«Spartoviec viedaje, za što zmahajecca. Heta $150 tyc. za zołata — hrošy, jakich u biełaruskich umovach chapaje nadoŭha».
Ahladalnik ahienctva BiełaPAN Rusłan Baciankoŭ i karespandent haziety «Narodnaja vola» Aleś Sivy prakamientavali Radyjo Svaboda infarmacyju pra toje, što biełaruskaja lohkaatletka Nadzieja Astapčuk była pazbaŭlenaja alimpijskaha zołata za ŭžyvańnie dopinhu.
Baciankoŭ: «Spartoviec viedaje, za što zmahajecca. Heta 150 tysiač dalaraŭ za zołata, heta hrošy, jakich u biełaruskich umovach chapaje nadoŭha.
Ja nie dumaju, što biełaruskija spartoŭcy tut niečym adroźnivajucca ad inšych. Bo na dopinhu traplajucca spartoŭcy ź lubych krainaŭ,i Biełaruś tut nie ŭ pieršych šerahach. Prosta my heta baluča ŭsprymajem, bo heta našy».
Aleś Sivy: «Na Alimpijadzie było dastatkova inšych dopinhavych skandałaŭ. Inšaja sprava, što sami spartoŭcy, taja ž Astapčuk, mahła i nie viedać, što jana ŭžyvała. I tut treba pravieryć usie fakty, pravieści rasśledavańnie. Bo dopinhavyja skandały stali ŭžo zvyčajnaj spravaj, da jakoj my ŭsie pryzvyčailisia. Samaje strašnaje zaraz, što traplajucca na hetym šmat biełaruskich maładych spartoŭcaŭ, jakija jašče ničoha nie vyjhrali.
Ale ichnija trenery dziela vysokich vynikaŭ hatovyja iści na toje, kab z malenstva pryvučać da dasiahnieńnia vynikaŭ takimi mietadami.Naturalna, što pakul za ruku nichto nie złoŭleny, abvinavačvać nikoha nielha».
«Davajcie ŭdakładnim. Spartoŭcy, jakija złoŭlenyja na dopinhu, časta havorać u svajo apraŭdańnie, što heta byli leki ad kašlu, leki ad astmy i hetak dalej. Vy sapraŭdy vierycie, što mahčymy taki varyjant, što trenkry, lekary mohuć niešta padsunuć, a sam spartoviec nie viedaŭ, što jon prymaŭ?»
Sivy: «Ja kažu pra kankretny vypadak. Viedajučy Nadzieju Astapčuk, ja nie vieru, što jana b pajšła na takoje».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary