Paśla piaci miesiacaŭ znachodžańnia ŭ śpisie asobaŭ, jakim zabaronieny vyjezd za miežy Biełarusi, vyśvietliłasia, što namieśnik staršyni Abjadnanaj hramadzianskaj partyi Leŭ Marholin nie znachodzicca ŭ śpisie nievyjaznych, paviedamlaje sajt AHP.
Pra heta siońnia Leŭ Marholin daviedaŭsia ŭ budynku Maskoŭskaha rajonnaha suda ad pradstaŭnika Ministerstva ŭnutranych spraŭ, jaki i vydaŭ adpaviedny dakumient.
«Nie fakt, što ja nie źjaŭlusia ŭ hetym śpisie praź niejki čas, ale na siońniašni dzień — padzieja davoli pryjemnaje», — adznačyŭ namieśnik staršyni AHP.
Nahadajem, što 2 žniŭnia načalnik Departamienta hramadzianstva i mihracyi MUS Alaksiej Biahun paviedamiŭ, što «ŭ vyniku techničnaha zboju» ŭ śpis asobaŭ, jakim zabaronieny vyjezd ź Biełarusi, trapiła kala 50 proźviščaŭ.Heta palityki, pravaabaroncy, žurnalisty, jakich nie vypuskali ź Biełarusi, zatrymaŭšy na pamiežnych punktach.
Kamientary