Za paŭtara hoda Viačasłaŭ Daškievič bačyŭ syna adzin raz — 40 chvilin praz škło.
Napačatku Viačasłaŭ Daškievič kateharyčna admoviŭsia razmaŭlać pra heta — nie choča, kab jano raznosiłasia.Adnak potym pryznaŭsia, što sam mižvoli prahavaryŭsia… Uładzimiru Niaklajevu.
«Ja zrabiŭ hłupstva, kali byŭ na pryjomie ŭ amierykanskaj ambasadzie i skazaŭ pra heta Niaklajevu — dahetul nichto pra heta nie viedaŭ. A ja zrabiŭ hłupstva, bo tam było vielmi mnoha cudoŭnaha vina — adsiul usio i pajšło…».
Vyśvietliłasia, što my zaśpieli spadara Viačasłava pa darozie ŭ Baraŭlany.
«Kładusia na niejkaje abśledavańnie i lačeńnie. Tam kazali, byccam by 4–5 dzion, tady jašče stolki ž cieraz dva tydni — i tak try razy cieraz dva tydni», — kaža sp. Viačasłaŭ.
Spadar Viačasłaŭ ščyra ździŭlajecca, čamu ad taho momantu, jak chvarobu ahledzieli, da momantu pačatku lačeńnia praminuła ažno paŭhoda.
«Maja dačka ad pieršaha šlubu ŭ Litvie žyvie. I kali ja skazaŭ pra hetuju temu, jana spytała, kali stała viadoma pra maju chvarobu. Ja adkazaŭ, što ŭ sakaviku. Jana skazała: «Jak heta tak! Paŭhoda prajšło — i tabie ničoha nie robiać! U nas adrazu biaruć na lačeńnie!» A mnie tut skazali, što jana «vielmi pavolna, hetaja chvaroba prachodzić».
Treba adznačyć, što za ŭvieś čas razmovy spadar Viačasłaŭ ni razu nie skazaŭ uhołas dyjahnaz — «rak». Kaža pra heta tolki ŭskosna — «ankołah skazaŭ», «druhaja stadyja», «lačeńnie ŭ Baraŭlanach»… Upieršyniu padazreńnie na chvarobu źjaviłasia jašče try hady tamu.
Tady spadar Daškievič nie staŭ praviaracca, bo nie mieŭ hrošaj na płatny analiz.
«Naš rajonny ankołah jašče try hady tamu nakiroŭvaŭ mianie ŭ Słuck na hety analiz, bo ŭ nas u Starych Darohach jaho nie robiać. Prytym heta analiz płatny, a ŭ mianie tady hrošaj było, jak kažuć, uprytyk. Nu i nie pajechaŭ ja. A sioleta, dzieści ŭ pačatku hoda, mnie treba była daviedka na sanatornaje lačeńnie. Znoŭ hety ž samy doktar mianie znoŭ nakiravaŭ na toje samaje daśledavańnie ŭ Słuck. Ja vyrašyŭ pravierycca — praŭda, płatnaje, dvaccać ź niečym tysiač. I skazali, što niejkaha rečyva ŭ mianie ŭ kryvi bolš za paŭtary normy. Potym u Baraŭlany nakiravali, tam paćvierdzili. I voś z sakavika da hetaha času ŭsio ciahniecca… Choć ja sam nie adčuvaju ničoha. Ale mnie skazali: jak budziecie adčuvać, užo pozna budzie. Nu, druhaja stupień pakul što…»
Spadaru Viačasłavu ciažka razmaŭlać nakont syna. Nahadajem, ciapier na Źmitra Daškieviča zaviali novuju kryminalnuju spravu nibyta za parušeńnie režymu ŭ kałonii. Lidar «Maładoha frontu» ŭžo skončyŭ aznajamleńnie z materyjałami śledstva, jaho čakaje sud, jaki moža «nakinuć» novy termin.
«Ja nie čakaju ničoha dobraha. Syn moj, hety syn moj, jon nie cierpić, ja b skazaŭ, nijakaha kampramisu.Nijakaha. U nas byvajuć navat sprečki nakont hetaha. Nie moža jon sahnucca, nie moža. Jaho možna tolki złamać, a sahnuć jaho nielha.
Pakul budzie Łukašenka, jon budzie siadzieć u turmie… Dla mianie heta niepadjomnaja tema…».
«Daŭno ŭžo, miesiacy čatyry ci piać tamu… Voś za dva hady adno tolki spatkańnie było karotkaje ź im… Bolš jamu pakul što nie dazvolena»
Źmicier Daškievič viedaje pra chvarobu baćki, usialak padtrymlivaje jaho ŭ listach.
«Vychoŭvaje mianie — kab ja nie havaryŭ
Nahadajem, užo kali Źmicier adbyvaŭ termin u kałonii, u jaho raptoŭna pamierła maci. Ciapier voś — strašnaja chvaroba baćki… Adnak budziem spadziavacca, što tut čašu praniasie mima — prynamsi, lekary kažuć, što zaŭvažana chvaroba svoječasova i musić paddacca lačeńniu.
- 18 śniežnia 2010 hoda, napiaredadni vybaraŭ prezidenta, Źmitra Daškieviča i jaho tavaryša pa «Maładym froncie» Eduarda Łobava zatrymali ŭ stalicy pa abvinavačańni ŭ źbivańni dvuch minčan. 24 sakavika 2011 hoda Daškievič byŭ pryhavorany da dvuch hadoŭ pazbaŭleńnia voli ŭ kałonii ahulnaha režymu.
- Niadaŭna ŭ dačynieńni da Daškieviča raspačali novuju spravu — pa č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli). U vypadku pryznańnia viny jamu pahražaje pazbaŭleńnie voli terminam da hoda. Ciapier Daškieviču zastajecca adbyć mienš čym piać miesiacaŭ pakarańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary