Najbolš aktyŭnymi karystalnikami Internetu źjaŭlajucca hramadzianie va ŭzroście 17‑40 hadoŭ.
Internietam u Biełarusi karystajecca 32,5 pracenta darosłaha nasielnictva. Takija vyniki daśledavańnia Centra sistemnych biźnies‑technałohij «Sacio», abnarodavanyja 4 krasavika na pres‑kanfierencyi ŭ Minsku.
Jak paviedamiła dyrektar departamienta markietynhavych i arhanizacyjnych daśledavańniaŭ «Sacio» Volha Rudź, udzielnikam daśledavańnia byli zadadzieny dva asnoŭnyja pytańni: «Ci karystajeciesia vy internietam?» i «Jakija sajty vy naviedvajecie najbolš časta?». Takija apytańni pravodzilisia dvojčy: u śniežni 2006‑ha i sakaviku 2007 hoda.
Padčas daśledavańnia byli apytany 1 tys. 473 mužčyny i žančyny ad 18 hadoŭ i bolš z roznaj adukacyjaj, sacyjalnym i siamiejnym stanoviščam i ŭzroŭniem dachodu. «Ja ŭpeŭniena, što vybarka našaha daśledavańnia ŭjaŭlaje saboju mikramadel nasielnictva Biełarusi», — padkreśliła V.Rudź.
Pavodle jaje słoŭ, najbolš aktyŭnymi karystalnikami internieta źjaŭlajucca hramadzianie va ŭzroście 17‑40 hadoŭ. Paśla 40 hadoŭ biełarusy karystajucca internietam u dva razy radziej, paśla 60 — u try razy.
Kolkaść karystalnikaŭ sietki ŭ haradskoj miascovaści składaje prykładna 35%, u sielskaj — kala 15% ad ahulnaj kolkaści nasielnictva.
Pavodle źviestak centra «Sacio», najbolš aktyŭna internietam karystajucca žychary Minska, a taksama Minskaj i Hrodzienskaj abłaściej, što ŭ peŭnaj stupieni źviazana z uzroŭniem dachodaŭ nasielnictva.
U jakaści stanoŭčaj tendencyi V.Rudź zaznačyła, što pošuk u interniecie stanovicca bolš metanakiravanym. Jana taksama paviedamiła, što najbolš naviedvanym źjaŭlajecca partał tut.by (jaho naviedvajuć nie mienš za 7% ad ahulnaj kolkaści karystalnikaŭ internieta ŭ Biełarusi).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary