BATE uziaŭ u arendu Sivakova i adkazaŭ na zakidy Kandraćjeva

Futbolny kłub BATE 13 žniŭnia padpisaŭ pahadnieńnie ab arendzie ŭ bielhijskaha «Zułte-Varehiema»24-hadovaha paŭabaroncy Michaiła Sivakova,

Sivakoŭ — vychavaniec futbolnaj škoły «Źmiena» (pieršy trenier Leanid Danejka). U 2003 hodzie jon trapiŭ u strukturu BATE, za asnoŭnuju kamandu jakoha z 2005 pa 2008 hady pravioŭ 64 aficyjnyja matčy i zabiŭ šeść miačoŭ. Sivakoŭ staŭ čempijonam (2007) i ŭładalnikam Kubka krainy (2006), a ŭ 2008 hodzie razam z barysaŭskim kłubam upieršyniu ŭ historyi biełaruskaha futboła prabiŭsia ŭ hrupavuju stadyju Lihi čempijonaŭ UEFA.

Paśla ŭdała praviedzienaha siezona ŭ pačatku 2009-ha Sivakoŭ zaklučyŭ kantrakt ź italjanskim «Kaljary», kolery jakoha abaraniaŭ na praciahu dvuch hadoŭ. U pieršaj pałovie 2010 hoda jon hulaŭ na pravach arendy za «Pjačencu». U pačatku 2011-ha paŭabaronca znoŭ byŭ pazyčany — na hety raz krakaŭskaj «Viśle», u čyich radach zavajavaŭ zvańnie čempijona Polščy.

Letam taho ž hoda tranśfiernyja pravy na Sivakova ŭ «Kaljary» vykupiŭ bielhijski «Zułte-Varehiem».

Sivakoŭ pierajšoŭ u BATE napiaredadni matčaŭ płej-of kvalifikacyjnaha raŭnda Lihi čempijonaŭ suprać izrailskaha «Chapaela» (Kir'jat-Šmona).

Taksama BATE adreahavaŭ na vykazvańni hałoŭnaha treniera nacyjanalnaj zbornaj Hieorhija Kandraćjeva, jaki zajaviŭ, što barysaŭčanie sabatujuć intaresy jaho kamandy.

«My nie pieraškadžajem vykliku našych futbalistaŭ u nacyjanalnuju kamandu, — padkreślivajecca ŭ kamientaryi pres-słužby BATE. — Ale časam umiešvajucca abstaviny, na jakija my nie ŭ siłach paŭpłyvać. Naprykład, my byli nie suprać taho, kab Dźmitryj Mazaleŭski adpraviŭsia ŭ raźmiaščeńnie zbornaj. Adnak futbalist spasłaŭsia na asabistyja abstaviny (a jany, na naš pohlad, pavažlivyja) i paprasiŭ Hieorhija Kandraćjeva na hulniu sa zbornaj Armienii jaho nie vyklikać, z čym trenier i zhadziŭsia. Sa svajho boku, my nie možam umiešvacca ŭ asabistaje žyćcio futbalista, niachaj i našaha, i prymušać jaho da ŭdziełu ŭ tavaryskim matčy zbornaj. Što da Alaksandra Hleba, to jon šmat pracuje indyvidualna, bo jašče nie nabraŭ naležnych kandycyj, dy i ŭ zbornuju jaho nichto nie vyklikaŭ. Jaje nie vyklikaŭ i Vitala Radzivonava».

«Što da futbalistaŭ byłoj ałmipijskaj zbornaj, to my źviartali ŭvahu Hieorhija Kandraćjeva na toje, što siły jaje hulcoŭ nie biaźmiežnyja.

BATE adznačaje, što hulcy kłuba ŭ adpaviednaści z pažadańniem treniera alimpijskaj zbornaj byli adpuščanyja ŭ nacyjanalnuju kamandu, a taksama ŭdzielničali ŭ turniry ŭ Tułonie. Dla hulni za nacyjanalnuju zbornuju ŭ Jerevan hulcy FK BATE laciać «u poŭnaj adpaviednaści z patrabavańniem jaje treniera, za vyklučeńniem Dzianisa Palakova i Dźmitryja Bahi».

«FK BATE zaŭsiody hatovy supracoŭničać z kiraŭnictvam ABFF i nacyjanalnaj zbornaj, ale niezaležna ad ambicyj kožnaha boku, na naš pohlad, rašeńni, što prymajucca, pavinny być razumnymi»,

«Sabataž, naturalny sabataž», — tak acharaktaryzavaŭ Kandraćjeŭ adnosiny z BATE na pres-kanfierencyi 13 žniŭnia. Pavodle jaho słoŭ, zbornaja idzie nasustrač kłubu, adpuskajučy hulcoŭ, a kłub nasustrač zbornaj nie idzie. «Było b u mianie bolš hulcoŭ, z BATE nikoha b nie braŭ, — zajaviŭ trenier. — Jany sabrali zbornuju Biełarusi. Adkul Palakoŭ, Bresan, Radzivonaŭ? I što, ich ciapier nielha vyklikać? Ci BATE — heta naša ŭsio? Ja razumieju, 10 miljonaŭ na kanu (razmova pra premijalnyja za vychad u hrupavy etap Lihi čempijonaŭ), ale jość intaresy zbornaj».

• 0
• 0
• 0
• 0
• 0
• 0
• 0
• 0