Minsk: łabavoje sutyknieńnie na pr. Niezaležnaści, zahinuli kiroŭca i pasažyrka taksi
Avaryja ź ciažkimi nastupstvami adbyłasia ŭ rajonie Uručča.
Cutyknulisia mikraaŭtobus i aŭtamabil słužby taksi. «Pavodle papiarednich dadzienych, heta byli Ford Sierra i Fiat Ducato, — raskazała śpiecyjalist pa ahitacyi i prapahandzie DAI Pieršamajskaha rajona Maryna Kapkovič. — Kiroŭca i pasažyrka pieršaha aŭtamabila zahinuli na miescy zdareńnia».
— Inśpiektary, jakija vyjechali na miesca zdareńnia, paviedamlajuć, što heta było łabavoje sutyknieńnie, — kaža Maryna Kapkovič. — Chto z kiroŭcaŭ vyjechaŭ na pałasu sustrečnaha ruchu, vyśviatlajecca. Na pasažyrskim siadzieńni taksi znachodziłasia žančyna 1975 h.n.
Pamočnik načalnika haradskoha ŭpraŭleńnia MNS paćvierdziŭ, što zahinuli kiroŭca (1966 h.n.) Ford i jaho pasažyrka (1975 h.n.). Mužčynu (1969 h.n.), jaki kiravaŭ Fiat, vyzvalili z dapamohaj śpiecinstrumientu. Jon u ciažkim stanie dastaŭleny ŭ balnicu.
U DAI źviazvajuć rost DTZ sa składanymi ŭmovami nadvorja. Inśpiektary zaklikajuć źnizić chutkaść i admovicca ad niebiaśpiečnych manieŭraŭ — rezkich pierastrajeńniaŭ, abhonaŭ, paskareńniaŭ.

Kamientary