Doŭhaterminovyja nahladalniki Biuro pa demakratyčnych instytutach i pravach čałavieka Arhanizacyi pa biaśpiecy i supracoŭnictvie ŭ Jeŭropie (BDIPČ ABSIE) pačnuć prybyvać u Biełaruś 24 žniŭnia.Ab hetym paviedamiŭ sakratar Centralnaj kamisii Biełarusi pa vybarach i praviadzieńni respublikanskich refierendumaŭ Mikałaj Łazavik.
Pavodle słoŭ sakratara Centrvybarkama, MZS Biełarusi atrymała notu, dzie skazana, što 21 žniŭnia ŭ krainu prybudzie štab misii — techničnaja hrupa, jakaja budzie vyrašać pytańni z pražyvańniem, raźmiaščeńniem, arhanizacyjaj i techničnym asnaščeńniem ofisa misii, a taksama z zabieśpiačeńniem transpartam i suviaźziu.
«24 žniŭnia pačnuć zajazdžać sami nahladalniki», — skazaŭ Mikałaj Łazavik, adznačyŭšy, što jamu nieviadoma, jakaja kolkaść ekśpiertaŭ pieršymi pryjedzie ŭ Minsk.
Jak raniej paviedamlałasia, čakajecca, što ŭ Biełaruś dla nazirańnia za vybarami ABSIE budzie nakiravana misija z 40 doŭhaterminovych nahladalnikaŭ i 270 karotkaterminovych. Uznačalić jaje pradstaŭnik Makiedonii Antonia Miłošaski.
Kamientary