Sałaviej abvieščany pryrodnym simvałam Słuckaha rajona
Adpaviednaje rašeńnie pryniaŭ Słucki rajonny saviet deputataŭ.
Rašeńniem Słuckaha rajonnaha savieta deputataŭ sałaviej pryznany pryrodnym simvałam Słuckaha rajona.
Jak paviedamiŭ BiełaPAN dyrektar hramadskaj arhanizacyi "Achova ptušak Baćkaŭščyny" (APB) Viktar Fiančuk, rašeńnie było pryniata na asnovie vynikaŭ padliku sałaŭjoŭ, jaki APB u 2007 hodzie pravodziła ŭ mnohich haradach Biełarusi. U Słucku, płošča jakoha składaje 2 tys. 975 ha, vyjaŭlena bolš jak 500 par hetych ptušak. Takim čynam, na kožnyja šeść hiektaraŭ horada prypadaje pa sałaŭju, što źjaŭlajecca vysokim pakazčykam.
U Biełarusi naličvajecca ad 160 da 200 tys. par hetych ptušak, adnak u haradach sałaŭjoŭ nie tak šmat. Prysutnaść sałaŭjoŭ śviedčyć pra toje, što ŭ horadzie zachavałasia dzikaja pryroda, adznačyŭ Fiančuk.
Sioleta Słuckaje rajonnaje adździaleńnie APB pačało realizavać prajekt "Ptuška — pryrodny znak Słuckaha rajona". U jaho miežach było praviedziena apytańnie miascovych žycharoŭ nakont vybaru ptuški — simvała horada. Z 43 prapanavanych ptušak haradžanie vybrali sałaŭja. 15 maja Słuckaje adździaleńnie APB praviało adkryćcio pamiatnaha znaka sałaŭju — draŭlanaj skulptury na terytoryi Słuckaha ekałahičnaha centra. U akcyi ŭziali ŭdzieł žychary horada z "sałaŭinymi" proźviščami i hości.
Pavodle słoŭ dyrektara APB, u pierśpiektyvie ŭ Słucku płanujecca adkryć adziny ŭ Biełarusi muziej sałaŭja. U hetym muziei mahła b być sabrana pradukcyja na sałaŭinuju tematyku i infarmacyja pra sałaŭinyja akcyi pa ŭsim śviecie — pra kurskich sałaŭjoŭ, sałaŭinyja viečary ŭ Maskvie i h.d. Adździaleńnie APB płanuje źviarnucca da administracyi haradskich pradpryjemstvaŭ z prapanovaj nazvać pradukcyju na sałaŭinuju tematyku.
Jak adznačyŭ Fiančuk, prajekty pa vybary ptušak — pryrodnych simvałaŭ rajonaŭ — APB płanuje realizavać i ŭ inšych haradach Biełarusi.
Anastasija Janušeŭskaja, BiełaPAN
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary