«Biełarusbank» staŭ pieršym bankam u Biełarusi, jaki atrymaŭ prava na absłuhoŭvańnie bieskantaktavych kartak Visa (Visa payWave).
Jak paviedamlaje pres-słužba «Biełarusbank», atrymańnie siertyfikatu dazvolić banku vyjści na jakasna novy ŭzrovień absłuhoŭvańnia trymalnikaŭ płastykavych kartak i nadalej pačać emisiju bieskantaktavych kartak.
payWave — technałohija bieskantaktavych płaciažoŭ, jakaja dazvalaje lohka, chutka i biaśpiečna ažyćciaŭlać apłatu tavaraŭ abo pasłuh. Bieskantaktavyja karty nie treba prakatvać u płaciežnym terminale dla praviadzieńnia apłaty — uładalniku karty dastatkova pravieści joju pablizu terminału. Kožnaja kartka Visa payWave asnaščana ŭbudavanymi čypam i antenaj, jakija dazvalajuć pa radyjokanale pieradavać na bieskantaktavy terminał infarmacyju ab płaciažy.
0
0
0
0
0
0
