Łoś spryčyniŭsia da hibieli aŭtamabilista na Maładziečanskaj šašy 1

Čarhovaje DTZ z trahičnymi nastupstvami z-za žyvioły, jakaja vybiehła na darohu, zdaryłasia nočču 30 žniŭnia.

Jak paviedamili va ŭpraŭleńni DAI MUS Biełarusi, u 1.10 na 37-m kiłamietry aŭtadarohi Minsk — Maładziečna — Narač blizu vioski Ščarbiny Minskaha rajona 19-hadovy hramadzianin Rasii, kirujučy aŭtamašynaj Audi Q5, ruchajučysia ŭ napramku Maładziečna, najechaŭ na łasia, jaki pierabiahaŭ prajeznuju častku. Paśla hetaha mašyna źjechała ŭ pravy kiuviet i ŭrezałasia ŭ prydarožnaje dreva.

U vyniku DTZ vadziciel ź cialesnymi paškodžańniami špitalizavany ŭ Minskuju abłasnuju kliničnuju balnicu, a jaho 22-hadovy pasažyr, hramadzianin RF, ad atrymanych traŭm pamior na miescy zdareńnia.

Pavodle infarmacyi UDAI MUS, za siem miesiacaŭ hetaha hoda na darohach krainy ŭčyniena dzieviać najezdaŭ na dzikich žyvioł, z-za čaho zahinuli i paciarpieli ludzi. U žniŭni zdarylisia jašče piać DTZ z žyviołami, u jakich piać čałaviek atrymali śmiarotnyja traŭmy.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH