Na hramadzianskuju panichidu sabralisia svajaki, muzyki, kalehi pa pracy, a taksama prychilniki jaho tvorčaści.
Raźvitańnie z basistam hurta Litvintroll Aleham Klimčankam prajšło ŭ aŭtorak u abłasnoj kliničnaj lakarni ŭ Baraŭlanach. Pachavali Aleha na mohiłkach u vioscy Zabałoćcie pad Minskam.
Nahadajem, Aleh Klimčanka pamior 2 vieraśnia na scenie homielskaha centra kultury padčas vystupu hurta Litvintroll. Jamu było ŭsiaho 35 hadoŭ.
Pryčyny śmierci dahetul nieviadomyja. Ekśpiertyza pakazała, što nie było ŭdaru tokam, nie było i insultu.Taksama ŭ kryvi nie było znojdziena niejkich rečyvaŭ, što b mahli vyklikać spynieńnie serca. Dakładnyja pryčyny śmierci stanuć viadomyja praź niekalki tydniaŭ, kali pryjduć vyniki poŭnaj ekśpiertyzy.
Pa słovach siabroŭ Aleha, u dzień kancerta jon skardziŭsia na hałaŭny bol.
0
0
0
0
0
0
