«Tachieles» taki vysielili 3

U Bierlinie 4 vieraśnia začyniŭsia kultavy centr alternatyŭnaj kultury «Tachieles» (Tacheles), za zachavańnie jakoha mastaki zmahalisia niekalki hadoŭ. Sudovyja vykanaŭcy atrymali klučy ad budynka i apiačatali jaho.

Na akcyju pratestu pierad byłym art-centram sabralisia kala 50 čałaviek.

Pradstaŭnik mastakoŭ nazvaŭ zakryćcio «Tachielesa» «kradziažom mastactva pad prykryćciom palicyi».

Heta miesca stała słavutaściu Bierlina, tamu čynoŭniki, jakija dazvolili jaho likvidavać, pavinny syści ŭ adstaŭku, ličać dziejačy mastactva.

U pryvatnaści, na ich dumku, pavinny zvolnicca mer Kłaŭs Vovierajt (Klaus Wowereit) i ŭpaŭnavažany pa spravach mastactva Andre Šmitc (Andre Schmitz).

Miž tym usie mastaki, čyje majsterni raźmiaščalisia ŭ «Tachielesie», užo znajšli novyja pracoŭnyja pamiaškańni.

Centr sučasnaha mastactva sfarmavaŭsia ŭ budynku byłoha ŭniviermaha, pabudavanaha ŭ pačatku XX stahodździa ŭ habrejskim kvartale Bierlina, paśla abjadnańnia Hiermanii. Tam znachodzilisia majsterni mastakoŭ, vystavačnyja zały, tam ža jany pradavali svaje karciny. Akramia taho, tam prachodzili kancerty, ładzilisia teatralnyja pastanoŭki i pakazvalisia filmy.

U «Tachieles» pryjazdžali žyć i pracavać mastaki z usiaho śvietu.

U 1998 hodzie ŭłady Bierlina pradali budynak kampanii Fundus-Gruppe pryblizna za 2,7 miljona jeŭra. Kiraŭnictva firmy źbirałasia pabudavać na miescy art-centra žyłyja i ofisnyja budynki, adnak hetyja płany tak i nie byli realizavanyja, bo kampanija źbiadnieła. U vyniku dom z mastakami pierajšoŭ u vałodańnie banka HSH Nordbank, jaki zapatrabavaŭ jaho vyzvalić.

Na praciahu niekalkich hadoŭ mastaki i ich prychilniki vychodzili na akcyi pratestu, ładzili fłešmoby i źviartalisia da ŭładaŭ, adnak tak i nie zmahli pieraškodzić novamu ŭładalniku vysielić ich z budynka.

Lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH