U viciebskim śledčym izalatary za Daškievičam ustanavili kruhłasutačnaje nazirańnie

U viciebskim śledčym izalatary № 2 za lidaram mižnarodnaj arhanizacyi «Małady front» (Čechija) Dźmitryjem Daškievičam ustanavili kruhłasutačnaje nazirańnie. Pra heta paviedamiła namieśnik staršyni arhanizacyi Anastasija Pałažanka.

Pavodle jaje słoŭ, 5

vieraśnia jana razam z advakatam Daškieviča naviedała SIZA № 2. «Mianie da Daškieviča, viadoma, nie puścili, ź im sustrakaŭsia jaho advakat», — adznačyła Pałažanka.

«Ja viedaju, što jon znachodzicca tam pad stopracentnym naziranieńniem kruhłyja sutki. Jon siadzić u adzinočnaj kamiery, i kali jon robić štości nie toje z punktu hledžańnia tych, chto jaho achoŭvaje, to jamu pa hučnaj suviazi pa radyjo kažuć: «Daškievič, nie rabi hetaha», — paviedamiła Pałažanka.

«Sa słoŭ advakata, dla jaho hety etap, dziakuj Bohu, prajšoŭ nie tak kiepska, jak minuły.

Minuły etap u Viciebsk byŭ žudasny: źviazany sa mnohimi pravakacyjami, z vykarystańniem roznych brudnych pryjomaŭ, tamu my vielmi za Daškieviča niepakoilisia», —

Jana paviedamiła, što Daškievič vyhladaje badziora i pavodzić siabie viesieła.

«Adzinaje, što kiepska, — heta nieviadomaść. Nam nie dajuć nijakaj infarmacyi ab tym, kolki Daškievič budzie znachodzicca ŭ viciebskim SIZA, kali i kudy potym jon budzie pieraviedzieny», — zajaviła Pałažanka.

* * *

28 žniŭnia Hłybocki rajonny sud na zakrytym vyjaznym pasiadžeńni ŭ kałonii № 13 rajcentra pryznaŭ Daškieviča vinavatym u «złosnym niepadparadkavańni patrabavańniam administracyi papraŭčaj ustanovy» (č. 1 art. 411 Kryminalnaha kodeksa) i pryhavaryŭ jaho da hoda pazbaŭleńnia voli. U termin pakarańnia ŭklučany čatyry miesiacy, jakija apazicyjanieru zastavałasia adbyć u kałonii pa pieršaj kryminalnaj spravie.

U kałonii Hłybokaha lidar arhanizacyi adbyvaŭ pakarańnie pa kryminalnaj spravie, raspačataj u kancy 2010 hoda. Napiaredadni apošnich vybaraŭ prezidenta, 18 śniežnia 2010 hoda, Daškieviča i jaho tavaryša pa «Maładym froncie» Eduarda Łobava zatrymali ŭ Minsku pa abvinavačańni ŭ źbivańni dvuch mužčyn. U sakaviku 2011 hoda Daškievič byŭ pryhavorany da dvuch hadoŭ pazbaŭleńnia voli ŭ kałonii ahulnaha režymu. Pradstaŭniki apazicyi i pravaabaroncy rascanili aryšt Daškieviča i Łobava, pryhavoranaha da čatyroch hadoŭ pazbaŭleńnia voli, jak previentyŭnuju mieru pa «začystcy» aktyvistaŭ apazicyi napiaredadni vybaraŭ. Mižnarodnyja pravaabarončyja arhanizacyi pryznali Daškieviča i Łobava palityčnymi źniavolenymi.

• 0
• 0
• 0
• 0
• 0