Staršynia Parłamienckaj asamblei ABSIE Rykarda Miljory i śpiecyjalny kaardynatar misii karotkaterminovych naziralnikaŭ PA ABSIE Matea Miekačy viečaram 9 vieraśnia prybyli ŭ Biełaruś.
Jak paviedamili ŭ
Prahramaj vizitu praduhledžany sustrečy Miljory i Miekačy ŭ biełaruskim parłamiencie, Ministerstvie zamiežnych spraŭ, a taksama pieramovy z kiraŭnikom Centrvybarkama Lidzijaj Jarmošynaj i kalehami z doŭhaterminovaj misii naziralnikaŭ ABSIE, jakija ŭžo pracujuć u Biełarusi.
Akramia hetaha, pradstaŭniki PA ABSIE sustrenucca z aktyvistami hramadzianskaj supolnaści, pradstaŭnikami niezaležnych ŚMI, palityčnych partyj i niepasrednymi ŭdzielnikami vybaraŭ — kandydatami ŭ deputaty.
Treba adznačyć, što Alaksandr Łukašenka nie ŭchvaliŭ pryznačeńnie Matea Miekačy na pasadu kiraŭnika misii naziralnikaŭ PA ABSIE. «Dumaju, što mahli b zajści bolš daśviedčanaha čałavieka ŭ častcy Biełarusi i situacyi ŭ Respublicy Biełaruś. My ŭvažliva ciapier vyvučajem usie hetyja pazicyi i, viadoma ž, budziem adpaviednym čynam reahavać», — zajaviŭ Łukašenka 15 žniŭnia ŭ Minsku na sustrečy ź ministram zamiežnych spraŭ RF Siarhiejem Łaŭrovym.
U adkaz na heta ŭ Parłamienckaj asamblei ABSIE skazali: «Miekačy — mienavita toj čałaviek, jaki patrebny dla taho, kab uznačalić misiju naziralnikaŭ i danieści pazicyju PA ABSIE adnosna parłamienckich vybaraŭ u Biełarusi».
Italjaniec Matea Miekačy nie raz vystupaŭ z krytykaj aficyjnaha Minska. Tak, na naradzie pa čałaviečym vymiareńni ŭ Varšavie ŭ vieraśni minułaha hoda jon zaklikaŭ biełaruskija ŭłady vyzvalić usich viaźniaŭ sumleńnia, a taksama ŭkazaŭ na šmatlikija prablemy z pravami čałavieka ŭ Biełarusi, uklučajučy svabodu ŚMI, svabodu schodaŭ, spraviadlivyja vybary i situacyju sa śmiarotnaj karaj.
Inicyjataram pryznačeńnia Miekačy kiraŭnikom misii nazirańnia za parłamienckimi vybarami ŭ Biełarusi vystupiŭ Rykarda Miljory.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja6
Kamientary