I daručyŭ razabracca z tymi, chto chavaje dachody.
Padčas siońniašniaj narady ŭ Łukašenki išła havorka pra niavypłatu padatkaŭ, u tym liku z boku dziaržaŭnych pradpryjemstvaŭ. Łukašenka daručyŭ pryniać adekvatnyja miery.
Staršynia Kamiteta dziaržkantrolu Alaksandr Jakabson paviedamiŭ, što pačaścilisia vypadki ŭtojvańnia vyručki padčas ažyćciaŭleńnia roźničnaha handlu subjektami haspadarańnia, jakija vykarystoŭvajuć sproščanuju sistemu padatkaabkładańnia.
— Alaksandr Sierafimavič, nu razanicie tak, kab u adnym kancy razanuli, a ŭ inšym traščała! — zapatrabavaŭ Łukašenka. — Što tam hladzieć na ich? Nie tolki tavar kanfiskavać — usiu ŭłasnaść u jaho kanfiskujcie! U Amierycy vielmi žorstkija zakony, samyja žorstkija pa padatkach. Nie daj boh tam niešta chto schavaŭ, pažyćciovaje źniavoleńnie atrymaješ. A ŭ nas ničoha, kraduć ceły tydzień. Aŭtamabilaŭ kuča, nie pracisnucca, u asnoŭnym novyja. Pry žabrackim narodzie. Adkul? Kraduć! Ci nie płaciać padatki.
Łukašenka taksama nahadaŭ čynoŭnikam: «Nijakich aŭtamabilaŭ, bienzinaŭ i ramontaŭ kabinietaŭ być nie pavinna». «Lepš niejki prajekt ekanamičny niachaj asvojać», — skazaŭ jon.
Kamientary