Łukašenka: chaj bahaty płacić za «kamunałku» 120–150%, biedny — 25–30%
Biełarusaŭ rychtujuć da rostu taryfaŭ na pasłuhi ŽKH.
Isnuje płan, pavodle jakoha ŭžo ŭ 2015 hodzie nasielnictva pavinnaje budzie apłačvać 100% vydatkaŭ na aciapleńnie, vodazabiaśpiečańnie, elektraenierhiju i inšyja vyhody cyvilizacyi. Adnak va ŭradzie mnohija pytańni da hetaha času nie vyrašanyja: uvodzić dyfierencyjavanuju apłatu ci rabić źnižki dla małazabiaśpiečanych słajoŭ nasielnictva? Svajo kateharyčnaje mierkavańnie z hetaj nahody vykazaŭ siońnia Alaksandr Łukašenka.
«Davajcie zrobim tak: bahaty čałaviek 120–150% chaj płacić kamunalnych vydatkaŭ. Biedny čałaviek, ź jakoha ŭziać siońnia niama čaho, — 25–30%. I my vyrašym prablemu, — skazaŭ Łukašenka ŭ čas sustrečy z čalcami ŭrada i Nacbanka. — Ale vy navat nie rušyli ŭ hetym kirunku va ŭradzie, tamu što dumajecie, što i vam kaliści budzie, vy ž nie biednyja — 120% płacić. Dyk ja vam dam dadatkova hetyja hrošy, kab vy mahli zapłacić».
«Bahaty čałaviek nie pavinien płacić 30 abo 25% kamunalnych, — praciahvaŭ Łukašenka. — Jon i nie choča. Vy jaho ŭ kamisiju vaźmicie. Skažycie, što ty pavinien stolki zapłacić. Ale heta ž, Michaił Uładzimiravič [Miaśnikovič — red.], treba, jak u savieckija časy: pajści pa damach, pahladzieć, uličyć usio. My ž nie pryvykli chadzić? U nas u kabiniecie vyrašyli — babach — płacić. My ž nie pryvykli dyfierencyjavana pracavać».
Kamientary