Naziralniki PA ABSIE płanujuć achapić u dzień vybaraŭ 10-15% učastkaŭ.
Kali Centrvybarkam Biełarusi daść ukazańni ŭčastkovym vybarčym kamisijam pracavać «u duchu adkrytaści i prazrystaści» pry padliku hałasoŭ, naziralniki aceniać heta vyklučna stanoŭča.Pra heta zajaviŭ prezident Parłamienckaj asamblei (PA) ABSIE Rykarda Miljory.
«My sapraŭdy doŭha razmaŭlali sa staršynioj CVK [na sustrečy 10 vieraśnia] na temy, jakija tyčacca biełaruskaha vybarčaha zakanadaŭstva. Samy važny momant zaklučaŭsia ŭ abiacańni, jakoje było nam dadziena, ab dopusku mižnarodnych naziralnikaŭ na vybarčych učastkach tudy, dzie budzie pravodzicca padlik i apracoŭka biuleteniaŭ», — skazaŭ Miljory.
U bolšaści vypadkaŭ apošnimi hadami na biełaruskich vybarach «bačyli toje, čaho nie nazirajecca praktyčna ni ŭ adnoj inšaj krainie: u momant padliku hałasoŭ naziralnikam prapanoŭvali adyści na dystancyju 15–20 mietraŭ ad stała, dzie pravodziłasia apracoŭka danych», adznačyŭ prezident PA ABSIE.
«Kali ja ŭ pačatku žniŭnia ŭ Rymie sustrakaŭsia ź ministram Martynavym (były kiraŭnik MZS Biełarusi Siarhiej Martynaŭ), jon mnie skazaŭ, što heta adbyvałasiaz-za niedastatkovaha razumieńnia niejkich momantaŭ staršyniami ŭčastkovych kamisij», — skazaŭ Miljory.
Akramia taho, paviedamiŭ jon, na sustrečy z kiraŭnikom CVK Lidzijaj Jarmošynaj pradstaŭniki PA ABSIE chacieli daviedacca, čamu tak mała apazicyjanieraŭ uklučana ŭ vybarčyja kamisii i jakija pryčyny admovy ŭ rehistracyi kandydatam lidara ruchu «Za Svabodu» Alaksandra Milinkieviča, kandydata ŭ prezidenty na vybarach 2006 hoda.
«Što da admovy ŭ rehistracyi spadaru Milinkieviču, nam rastłumačyli, što dakumienty, padadzienyja kandydatam, nie ŭ poŭnaj stupieni adpaviadali nieabchodnym normam. My sustrakalisia i sa spadarom Milinkievičam učora. Jon rastłumačyŭ nam, što nie źbirajecca navat padavać skarhu, bo ličyć admovu ŭ rehistracyi palityčna abhruntavanaj i pryniatym zahadzia rašeńniem», — skazaŭ kiraŭnik PA ABSIE.
Što da niedastatkovaj prysutnaści pradstaŭnikoŭ apazicyi ŭ vybarčych kamisijach, to, pavodle słoŭ Miljory, u CVK im patłumačyli, što zajavak ad apazicyjanieraŭ «było vielmi mała, a padadzienyja zajaŭki byli zadavoleny».
Rykarda Miljory nahadaŭ, što 23 vieraśnia za chodam vybaraŭ u Biełarusi buduć nazirać pryblizna 90 naziralnikaŭ ad PA ABSIE, prybuduć taksama karotkaterminovyja naziralniki ad Biuro pa demakratyčnych instytutach i pravach čałavieka (BDIPČ) ABSIE.
Dobryja namiery staršyni CVK my pravierym niepasredna na miescach.«My spadziajemsia, što ŭ dzień vybaraŭ achopim pryblizna 10–15% z bolš jak 6.000 vybarčych učastkaŭ u Biełarusi, niepasredna pravierym, ci budzie dostup da stała padliku biuleteniaŭ, ci budzie prazrystaje hałasavańnie biez nacisku.
My ŭ Italii havorym: „Kali heta ružy, to rana ci pozna jany raśćvituć“. Pakul my zaŭvažyli tolki šypy&», — padkreśliŭ Rykarda Miljory.
U jakaści prykładu takich «šypoŭ» jon nazvaŭ najaŭnaść u Biełarusi palitźniavolenych.
«Kali ŭ turmach znachodziacca vierahodnyja kandydaty na ŭdzieł u vybarach, zrazumieła, što heta ŭžo niejkaje abmiežavańnie. Heta tyčycca jak situacyi ź Julijaj Cimašenkaj va Ukrainie, tak i, naprykład, sa Źmitrom Daškievičam u Biełarusi abo padobnaj situacyi ŭ luboj inšaj krainie», — adznačyŭ prezident PA ABSIE.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary