Heta horš, čym kniha Rušdzi i dackija karykatury, miarkuje šejch Nasrała.
Lidar radykalnaj šyickaj hrupoŭki «Chiezbała» šejch Nasrała zaklikaje da novych pratestaŭ u Livanie ŭ adkaz na źniaty ŭ ZŠA film, jaki mnohija musulmanie paličyli abraźlivym.
Jak zajaviŭ u videazvarocie Nasrała, śviet pavinien viedać, što musulmanie «nie buduć moŭčki tryvać abrazy».
Pratesty la dypłamatyčnych pradstaŭnictvaŭ ZŠA ŭ isłamskich krainach Blizkaha Uschodu, Paŭnočnaj Afryki i Azii praciahvajucca ŭžo niekalki dzion.
U zvarocie, jaki byŭ pakazany pa telekanale«Al-Manar» , šejch zaklikaŭ viernikaŭ da šmatdzionnych pratestaŭ.
Miarkujecca, što pieršaja akcyja projdzie ŭ paniadziełak dniom u paŭdniovym pryharadzie Biejruta, jaki faktyčna kantraluje hrupoŭka «Chezbała».
Šejch adznačyŭ, što čakaŭ zakančeńnia trochdzionnaha vizitu ŭ Livan Papy Bieniedykta XVI i tolki zatym vystupiŭ sa zvarotam.
«Tyja, chto staić za hetym filmam, tyja, chto stajać za jaho stvaralnikami, tyja, chto padtrymlivajuć i abaraniajuć ich, u pieršuju čarhu ZŠA, pavinny być pryzvanyja da adkazu i pakaranyja.Ich varta bajkatavać», — zajaviŭ šejch.
U Livanie ŭ apošnija dni ŭžo adbylisia pratesty suprać filma, ale ŭ asnoŭnym na poŭnačy krainy ŭ horadzie Trypali, dzie bolšaść žycharoŭ — sunity.
Pa słovach šejcha Nasrały, film źjaŭlajecca vielizarnaj abrazaj dla musulman, navat bolšaj, čym raman Sałmana Rušdzi «Sataninskija sury» abo apublikavanyja ŭ dackaj haziecie karykatury z vyjavaj praroka Muchamieda.
Niajakasna źniaty i drenna zmantavany film «Niavinnaść musulmanaŭ» pakazvaje praroka Muchamieda durnavatym čałaviekam, jaki imkniecca da ŭłady. U filmie jość sceny seksu Muchamieda ź jaho žonkaj i inšymi žančynami.
Dakładnych źviestak pra stvaralnikaŭ hetaj stužki niama, ale ŭłady ZŠA kažuć, što, jak miarkujecca, režysioram staŭ Nakuła Baśli Nakuła z Kalifornii, jakoha raniej pryznali vinavatym u machlarstvie.
Kamientary