Advakat — heta marnavańnie hrošaj, a ničoha dobraha ad jaho niama, ličyć palitviazień.
Babula źniavolenaha aktyvista partyi Biełaruskaja chryścijanskaja demakratyja Jaŭhiena Vaśkoviča Tamara Uładzimiraŭna raskazała, što ŭžo amal dva miesiacy jana ničoha nie viedaje pra los unuka.
«14 vieraśnia ź Jaŭhienam u Mahiloŭskaj turmie № 4 sustreŭsia staršynia abłasnoj naziralnaj kamisii pry Upraŭleńni justycyi abłvykankama Viktar Sidarenka. Pierad sustrečaj ja dała jamu śpis ź dziesiaci pytańniaŭ, jakija prasiła zadać majmu ŭnuku. Ja pytałasia pra toje, za što jaho kinuli ŭ karcar, ci atrymlivaje jon našy listy, ci moža vypisvać haziety, chadzić u turemnuju biblijateku i inšaje. Kali Sidarenka vyjšaŭ, usio, što jon skazaŭ, — „u jaho ŭsio dobra“. Tak jon adkazaŭ na ŭsie dziesiać pytańniaŭ. Ale jak u jaho ŭ turmie moža być usio dobra? Tam ža nie raj. Ci jamu nie dajuć kazać, ci Sidarenka niedahavorvaje», — skazała Tamara Vaśkovič.
«My nie viedajem, što ź Jaŭhienam. Z 3 žniŭnia ja nie atrymlivaju ad jaho listoŭ.Viedaju tolki, što jon admoviŭsia ad advakata. Kaža, što jon jamu nie patrebny, što heta marnavańnie hrošaj, a ničoha dobraha ad hetaha niama. U studzieni ŭ nas budzie ź im spatkańnie. Raz na hod možna jamu adpraŭlać banderollu pieradaču na 2 kiłahramy», — adznačyła babula palitviaźnia.
Nahadajem, 14 žniŭnia ź Jaŭhienam Vaśkovičam sustreŭsia pravaabaronca Viktar Sidarenka. Padstavaj dla sustrečy, jakuju arhanizavała Upraŭleńnie justycyi, stali skarhi na parušeńnie pravoŭ aryštavanaha aktyvista ŭ pytańniach pierapiski z svajakami i paplečnikami. Vidavočna, sustreča była biespaśpiachovaj, kali palitviaźniu da hetaha času zabaraniajuć słać listy.
Raniej Jaŭhien Vaśkovič zajaŭlaŭ, što nie źbirajecca pisać prašeńnie ab pamiłavańni. «Ja pamru, ale prašeńnia nie padpišu», — kazaŭ jon.Palitviaźnia ŭ traŭni 2011 hoda razam z Arciomam Prakapienkam i Paŭłam Syramałotavym babrujski sud pryznaŭ vinavatym u padpale dźviarej babrujskaha KDB. Ich prysudzili da siami hadoŭ pazbaŭleńnia voli ŭ kałonii ŭzmocnienaha režymu kožnaha.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary