Andrej Suzdalcaŭ.
Pačałosia ŭsio viesieła. Padčas dakłada litoŭskaha navukoŭca Zihmasa Kiaŭpy «Karotkaje XVIII stahodździe ŭ historyi VKŁ» aŭdytoryju pakinuŭ maskoŭski palitołah Andrej Suzdalcaŭ. Jaho aburyła fraza «Adstałaja dziaržava Rasija zachoplivaje kudy bolš pieradavuju — VKŁ — i robić ź jaje kałoniju».
Adkryvali ž kanhres pradstaŭniki Ministerstva zamiežnych spravaŭ Litvy — heta vysoki honar dla kanfierencyi,a taksama kiraŭnictva kovienskaha ŭniviersiteta imia Vitaŭta Vialikaha. Pry hetym
litoŭcy prabačylisia, što razmaŭlajućpa-anhlijsku , a nie na biełaruskaj movie — dziaržaŭnaj movie VKŁ.
Padčas plenarnaha pasiedžańnia, aproč dakłada Kiaŭpy, mieŭ prahučać dakład vydatnaha haradzienskaha historyka Siarhieja Tokcia, što daśleduje farmavańnie nacyjanalnaj tojesnaści biełarusaŭ i nacyjanalnaha ruchu. Tema jahonaha vystupu hetym razam była «Sialanstva ŭ pracesie madernizacyi tradycyjnaha hramadstva». Adnak Tokć pryjechać nie zmoh. Pavodle niekatorych źviestak, kamandziroŭku nie dazvoliła kiraŭnictva Hrodzienskaha dziaržaŭnaha ŭniviersiteta, dzie jon vykładaje.
Vystupiŭ i adzin z hanarovych haściej kanhresu — viadomy rasiejski historyk Alaksiej Miler, jaki śpiecyjalizujecca na historyi Rasiejskaj impieryi.Tema jahonaj prezientacyi hučała tak: «Histaryjahrafija Rasijskaj impieryi, XXI stahodździe».
Abmierkavańnie vyklikała jahonaja teza pra toje, što sučasnaja palityka nie maje patreby ŭ histaryčnym abasnavańni, kali jana razumnaja».
Ciapier raspačynajecca praca ŭ siekcyjach.
Sioletni kanhres atrymaŭsia našmat maštabniejšym za letašni: aproč sacyjalnych i palityčnych navuk, zaprošanyja śpiecyjalisty ŭ ekanomicy, teałohii i navat kinaznaŭcy.
Z zorak na kanhres mieli zavitać ajciec Alaksandr Nadsan i słavist Arnold Makmilin. Ź Biełarusi na Kanhres jechali jaskravyja navukoŭcy i praktyki ad Valera Karbaleviča i Andreja Kazakieviča da Hienadzia Sahanoviča i Andreja Kudzinienki.
«Žyvuju tranślacyju» z kanhresu mnohija prysutnyja tam — ad ekanamista Siarhieja Čałaha da palitołaha Dzianisa Mieljancova — viaduć u Fejsbuku.Takim čynam sučasnyja technałohii dazvalajuć kali nie pamnažać viedy, dyk, prynamsi, adčuvać siabie prysutnym.
Žyvaja tranślacyja z kanhresu — tut.