Srebra i bronza — taksama ŭ našych suajčyńnic.
Biełaruskaja spartsmienka Vaniesa Kaładzinskaja (vahavaja katehoryja da 48 kh) zavajavała zołata na čempijanacie śvietu pa volnaj baraćbie siarod žančyn, jaki zaviaršyŭsia minułaj nočču ŭ kanadskaj Stratkonie.
Na šlachu da tytuła čempijonki śvietu Vaniesa Kaładzinskaja adoleła pradstaŭnicu ZŠA bronzavy miedalistku Alimpijady-2012 Kłarysu Čuń, Taćcianu Amanžoł-Bakaciuk z Kazachstana, Siaamiej Li z Kitaja, a ŭ finale - japonku Ery Tasaku - 0:2, 1:0, 3:2.
Jašče adna pradstaŭnica Biełarusi Anastasija Hučok (da 63 kh) zaviaršyła vystupleńnie ŭžo paśla startavaha pajadynku, sastupiŭšy Žuścin-Anžele Bušar z Kanady, jakaja stała zatym bronzavaj miedalistkaj. Biełaruska ža spyniłasia na 15-m radku.
Srebra zavajavała biełaruskaja spartsmienka Zalina Sidakava (da 59 kh), a bronzavym pryzioram stała Vasilisa Marzaluk (da 72 kh).
U katehoryi da 51 kh biełaruska Alina Ryžova zaniała 10-je miesca, u vazie da 67 kh Iryna Šaŭcova-Cyrkievič apynułasia na 15-j pazicyi, a siarod spartsmienak u katehoryi da 55 kh Nadzieja Michałkova stała 14-j.
Usiaho ŭ spabornictvach brali ŭdzieł pradstaŭnicy 28 krain. Kamanda Biełarusi z tryma ŭznaharodami (1 zołata, 1 srebra i 1 bronza) padzialiła ŭ miedalnym zaliku 3-5-je miesca sa zbornymi Kanady (1, 1, 1) i Japonii (1, 1, 1). Napieradzie tolki kamandy ZŠA (2, 1, 1) i Kitaja (1, 1, 4).
Kamientary