Trahiedyja: siamja z čatyroch čałaviek stała achviaraj kiroŭcy-pačatkoŭca 3

Siamja z čatyroch čałaviek zahinuła ŭ darožna-transpartnym zdareńni 29 vieraśnia na aŭtatrasie Minsk-Maładziečna-Narač, paviedamili ŭ dziažurnaj častcy UDAI MUS Biełarusi.

DTZ adbyłosia na 32-m kiłamietry aŭtatrasy pablizu vioski Haroški Minskaha rajona.

Minčanin 1991 hoda naradžeńnia, jaki atrymaŭ pravy kiroŭcy niekalki miesiacaŭ tamu, kirujučy aŭtamabilem «Alfa Ramea 166», pry manieŭry abhonu začapiŭ pa datyčnaj spadarožny lehkavik «Reno Łahuna». Z hetaj pryčyny aŭtamabil ź niespraktykavanym kiroŭcam vylecieŭ na sustrečnuju pałasu, dzie adbyłosia łabavoje sutyknieńnie sa sustrečnaj mašynaj «Aŭdzi 80».

U vyniku sutyknieńnia zahinuli ŭsie, chto byŭ u aŭtamabili «Aŭdzi 80».

Žychar Maładziečna 1959 hoda naradžeńnia, jaki byŭ za rulom, pamior na miescy zdareńnia, a jaho dačka i ŭnučka (2006 hoda naradžeńnia) — u Minskaj abłasnoj kliničnaj balnicy. Śmierć čaćviortaha pasažyra (ziacia) była zafiksavana siońnia ŭ MOKB ŭ 7.30.

U adnosinach da vadziciela «Alfa Ramea 166», čyje dziejańni paciahnuli hibiel ludziej, raspačata kryminalnaja sprava pa č. 3 art. 317 KK RB, paviedamili ŭ DAI.

Usiaho za minułyja sutki ŭ respublicy zarehistravana 22 ulikovych darožna-transpartnych zdareńnia, u jakich 6 čałaviek zahinuli, 21 čałaviek — paranieny.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH