«Biełavija» ŭviała skraznuju rehistracyju z Air France i Delta Air Lines
Nacyjanalnaja avijakampanija «Biełavija» ŭkaraniła skraznuju rehistracyju z avijakampanijami Air France i Delta Air Lines.
Heta rašeńnie dazvalaje pasažyru pry rehistracyi ŭ aeraporcie Minsk atrymać na ruki pasadačnyja tałony z užo paznačanymi miescami ŭ samalotach pa ŭsim maršrucie.
«Paśla prylotu ŭ pramiežkavyja aeraporty Amsterdama i Paryža tranzitnyja pasažyry mohuć adrazu iści na pasadku, abychodziačy čerhi na stojkach rehistracyi, što značna spraščaje praces pierasadki na stykovačny rejs», — adznačyli ŭ «Biełavija».
U avijakampanii ŭdakładnili, što mahčymaść skraznoj rehistracyi ŭžo zabiaśpiečana pry vyletach ź Minska, Homiela i Hrodna, a taksama bolšaści punktaŭ, kudy vykonvaje rehularnyja paloty «Biełavija».
Ciapier dvuchbakovyja pahadnieńni ab skraznoj rehistracyi ŭžo dziejničajuć z avijakampanijami Air France, Delta, LOT, AlItalia, KLM, CSA, TransAero, S7.
«Biełavija» maje namier da kanca hoda zabiaśpiečyć mahčymaść rehistracyi praź internet, u nastupnym hodzie — praz kijoski samaabsłuhoŭvańnia i z vykarystańniem mabilnych telefonaŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary