«Chto baicca Virdžynii Vulf?»
Vybuchovaja drama z Elizabet Tejłar i Ryčardam Bertanam pavodle pjesy Edvarda Ołbi.
TV, 16 krasavika, paniadziełak
ANT, 00.00
Chto baicca Virdžynii Vulf? (Who's Afraid of Virginia Woolf?)
ZŠA, 1966, čorna-bieły, 129 chv.
Režyser: Majk Nikałs
Roli vykonvajuć: Elizabet Tejłar, Ryčard Bertan, Džordž Sihieł, Sendzi Denis
Žanr: Drama pavodle adnajmiennaj pjesy Edvarda Ołbi
“Oskary” Elizabet Tejłar i Sendzi Denis, jak lepšym aktrysam, premii “Oskar” za lepšuju aperatarskuju pracu (Haskieł Ŭekśler), pracu mastaka (Ryčard Syłbert), dekaratara (Džordža Hopkinza), dyzajnera pa kaściumach (Ajryn Šaraf).
Viarnuŭšysia paśla viačery ŭ kole ŭniversyteckich siabroŭ, cichmiany prafesar Džordž vyśviatlaje, što jahonaja kryklivaja žonka Marta zaprasiła “na praciah biasiedy” maładoha navukoŭca z supruhaj. Biasieda staniecca burnaj, stojenyja kryŭdy vyrvucca na volu, a noč staniecca dekaracyjaj dla siamiejnaha piekła…
Klasyčnaja pjesa Edvarda Ołbi, jakaja biaźlitasna ahalała “chatnija kanflikty”, słužyła metafaraj ułady j staraści-maładości, była lusterkam isteblišmentu j vybucham lubovi-nianaviści, – vyklikała šok.
Karcina pravakatara Majka Nikałsa (“Vypusknik”, “Płocievyja viedy”) uzmacniła žarści: na hałoŭnyja roli byli zaprošanyja Elizabet Tejłar i Ryčard Bertan, jakija byli mužam i žonkaj i dvojčy sa skandałami kasavali ŭłasnyja šluby.
Dziakujučy režyseru, film nie staŭsia statyčnaj teatralnaj ekranizacyjaj. Zaruka hetamu j čorna-biełyja aperatarskija čary Haskieła Ŭekślera, mastackaje majsterstva Ryčarda Syłberta, dekaratara Džordža Hopkinsa j dyzajnera pa kaściumach Ajryn Šaraf.
A spasyłka na Virdžyniju Vulf – z ulikam reputacyi piśmieńnicy – całkam apraŭdanaja.
Sankcyi dla sudździaŭ, 30 miljonaŭ jeŭra dapamohi, niepryznańnie vybaraŭ-2025 — raskazvajem pra vyniki Dzion Biełarusi ŭ Bruseli6
Kamientary