Pra heta paviedamiŭ načalnik adździeła radyjoelektronnych vymiareńniaŭ BDI mietrałohii Alaksandr Hałyha na pres-kanfierencyi ŭ Minsku 2 kastryčnika.
Pavodle jaho słoŭ, instytut nie atrymlivaŭ daručeńniaŭ razhledzieć pytańnie pra pierachod na zimovy čas. Hałyha adznačyŭ, što padrychtoŭka padobnych rašeńniaŭ znachodzicca ŭ kampietencyi Mižhalinovaj kamisii pa časie, častacie i vyznačeńni paramietraŭ viarčeńnia Ziamli, u jakuju ŭvachodziać pradstaŭniki roznych ministerstvaŭ i viedamstvaŭ.
Takim čynam, čas u Biełarusi, jakaja znachodzicca ŭ adnym hadzinnym pojasie z Ukrainaj, Litvoj i niekatorymi inšymi krainami, ź listapada pa sakavik adroźnivajecca ad času ŭ hetych krainach na adnu hadzinu. Pavodle słoŭ Hałyhi, pytańnie ab tym, kab zastacca na letnim časie, vyrašałasia prykładna hod.Biełaruś uśled za Rasijaj pryniała rašeńnie nie pierachodzić bolš na zimovy čas pačynajučy z vosieni 2011 hoda, pakinuŭšy na svajoj terytoryi letni čas.
«Za minuły hod nie było nivodnaj skarhi ad hramadzian na niazručnaści, źviazanyja ź pierachodam na letni čas»,— skazaŭ pradstaŭnik instytuta mietrałohii. Raniej, kali ŭ krainie štohod pierachodzili na letni i zimovy čas, ludzi vykazvali niezadavolenaść tym, što jany vymušanyja štoraz padstrojvacca pad jaho. «Siarod skarhaŭ na pieravod hadzińnika było «mnie nie padabajecca ci niezrazumieła, kali daić karoŭ», — adznačyŭ Hałyha.
Jon nahadaŭ, što mienavita pa letnim časie ŭ Biełarusi žyli z 1930 pa 1980 hod.Razam z tym letni čas nie źjaŭlajecca astranamičnym, padkreśliŭ dacent kafiedry ahulnaha ziemleŭładańnia i hidramietearałohii hieahrafičnaha fakulteta Biełaruskaha dziaržaŭnaha ŭniviersiteta Pavieł Kaŭryha. «Letni čas — heta adna dadadzienaja hadzina da pajasnoha času, heta značyć my vyjšli za miežy pryrodnaha rytmu. Dla zachavańnia zdaroŭja čałaviectvu treba viartacca da pryrodnaha rytmu, padparadkoŭvacca i prystasoŭvacca da astranamičnaha času. U advarotnym vypadku ludzi pry pierachodzie na inšy čas sutykajucca z prablemami adaptacyi, ich arhanizm pieražyvaje stres, nastupstvy jakoha vyražajucca ŭ abvastreńni chraničnych zachvorvańniaŭ», — zajaviŭ vučony.
Razam z tym Kaŭryha paviedamiŭ, što pierachod na astranamičny čas dla kožnaha rehijonu maje ciažkaści ŭ suviazi z tym, što na ŭschodzie i zachadzie Biełarusi astranamičny čas adroźnivajecca bolš jak na 40 chvilin.
Hałoŭny terapieŭt Ministerstva achovy zdaroŭja Vadzim Sušynski adznačyŭ važnaść rytmaŭ u žyćci čałavieka i padkreśliŭ, što biazbolna praces adaptacyi adbyvajecca ŭ praktyčna zdarovych ludziej. 10–15% ludziej adčuvajuć dyskamfort, jaki z časam prachodzić.
Raniej niekatoryja śpiecyjalisty śćviardžali, što Rasija i Biełaruś admianili nie toj čas. Treba było admianić letni čas, bo zimovy ŭ mnohich krainach supadaje sa standartnym astranamičnym.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary