U Łondanie la budynka rezidencyi Daŭninh-stryt pabilisia katy premjer-ministra Devida Kemierana i ministra finansaŭ Džordža Osbarna.
Na zdymkach bačna, jak piacihadovy kot Łary, jaki da niadaŭniaha času mieŭsia baranić brytanskaha premjera ad myšej, atrymlivaje ŭdar levaj łapaj ad jaho puchnataj kalehi Frej z Daŭninh-stryt, 11, dzie znachodzicca rezidencyja kiraŭnika Minfina.
U spravu pryjšłosia ŭmiašacca palicyjantam, jakija spynili «bojku». Paśla hetaha Łary viarnuŭsia dadomu, a jaho kryŭdzicielka praciahnuła abychod terytoryi.
Nahadajem, niadaŭna Łary byŭ zvolnieny premjer-ministram z pasady hałoŭnaha myšałova krainy. Jak vyśvietliłasia, kot demanstravaŭ niedastatkovuju rašučaść u baraćbie z hryzunami i nie prajaŭlaŭ palaŭničaha instynktu. Mahčyma, vyklikanaje zvalnieńniem rasčaravańnie i padšturchnuła Łary da kanfliktu z Frej.
Miž tym aficyjnyja pradstaŭniki Daŭninh-stryt admaŭlajuć kanflikt pamiž haduncami pieršych asob dziaržavy.Pres-sakratar premjera zajaŭlaje, što Łary i Friej vydatna suisnujuć.