Staršynioj pałaty pradstaŭnikoŭ piataha sklikańnia abrany Uładzimir Andrejčanka, jaki zajmaŭ hetuju pasadu ŭ nižniaj pałacie minułaha sklikańnia.Za jaho abrańnie prahałasavali 105 z 108 deputataŭ, jakija pryniali ŭdzieł u hałasavańni, try biuleteni pryznanyja niesapraŭdnymi.
Andrejčanka byŭ adzinym pretendentam na pasadu staršyni pałaty pradstaŭnikoŭ.Jaho kandydaturu vyłučyŭ deputat Siarhiej Kanoplič, matyvujučy tym, što jon maje «bahaty vopyt parłamientaryzmu» i «šmat zrabiŭ dla prasoŭvańnia pałaty pradstaŭnikoŭ na mižnarodnaj arenie».
«Na sustrečach z pasłami zamiežnych krain jon pakazaŭ siabie daśviedčanym śpiełym palitykam, jaki ŭmieła prasoŭvaje intaresy Biełarusi», — skazaŭ Kanoplič.
Sam Andrejčanka, vystupajučy pierad deputatami, adznačyŭ, što pierad novym składam parłamienta stajać «maštabnyja i značnyja zadačy».
U pryvatnaści, treba budzie «detalova vyvučyć» praktyku prymianieńnia vybarčaha zakanadaŭstva z ulikam minułych vybaraŭ i ŭnieści ŭ jaho karekciroŭki.
Havoračy ab mižnarodnaj dziejnaści, Andrejčanka padkreśliŭ, što nieabchodna «spyniać usie sproby razmaŭlać z nami siłaj». Taksama jon adznačyŭ nieabchodnaść razhledzieć mahčymaść arhanizacyi «pramych tranślacyj parłamienckich dyskusij», paviedamlaje BiełaPAN.
- Uładzimir Andrejčanka naradziŭsia ŭ 1949 h. u v Marjanava Loźnienskaha rajona Viciebskaj vobłaści. Skončyŭ Vialikałucki sielskahaspadarčy instytut, u 1988 h. — Minskuju vyšejšuju partyjnuju škołu.
- Z 1970 pracavaŭ u Loźnienskim rajonie, prajšoŭšy šlach ad staršaha ahranoma rajsielhastechniki da staršyni rajvykankama. U 1987 — 1991 hh. — pieršy sakratar Vierchniadźvinskaha rajkama KPB.
- Abiraŭsia deputatam Viarchoŭnaha Savieta BSSR
- Z kastryčnika 1991 h. pa śniežań 1991 pracavaŭ pieršym namieśnikam staršyni kamiteta pa sielskaj haspadarcy i zabieśpiačeńni nasielnictva charčavańniem Viciebskaha abłvykankama, sa śniežnia 1991 h. pa listapad 1994 h. — namieśnikam staršyni, staršynioj kamiteta pa sielskaj haspadarcy i zabieśpiačeńni nasielnictva charčavańniem Viciebskaha abłvykankama.
- Ź listapada 1994 h. pa kastryčnik 2008 h. — staršynia Viciebskaha abłasnoha vykanaŭčaha kamiteta. Byŭ členam savieta respubliki pieršaha, druhoha, treciaha sklikańniaŭ.
0
0
0
0
0
0
