Siarhiej Kiryčuk: Vykradańnie Razvazžajeva — svojeasablivy padarunak Janukoviča Pucinu
Takoje mierkavańnie vykazaŭ 22 kastryčnika lidar ukrainskaha abjadnańnia «Boroťba» Siarhiej Kiryčuk na pres-kanfierencyi ŭ Kijevie.
«U nas jość infarmacyja ad nadziejnaha čałavieka, što samalot, na borcie jakoha znachodziŭsia Leanid Razvazžajeŭ, pryziamliŭsia na terytoryi Rasijskaj Fiederacyi na aeradromie Čkałaŭski. Heta jašče raz daje nam padstavy mierkavać, što da jaho vykradańnia naŭprost datyčnyja rasijskija śpiecsłužby, i mierkavać, što jany dziejničajuć na terytoryi Ukrainy absalutna svabodna. I my pavinnyja ŭśviedamlać, što kali jany mohuć svabodna pravodzić svaje śpiecapieracyi na terytoryi Ukrainy, jany mohuć taksama sprabavać ŭpłyvać na vyniki ŭkrainskich parłamienckich vybaraŭ. Nas pałochaje supadzieńnie vykradańnia Leanida Razvazžajeva i vizit V. Janukoviča ŭ Maskvu. My miarkujem, što prezident Janukovič takim čynam robić svojeasablivy padarunak svajmu rasijskamu kalehu».
Siarhiej Kiryčuk adznačyŭ,
što Leanid Razvazžajeŭ prybyŭ na terytoryju Ukrainy 16 kastryčnika na absalutna lehalnych padstavach: «Jon nie byŭ abvieščany ŭ vyšuk i moh svabodna pierasoŭvacca.My ź im razmaŭlali, i jon mnie vykazaŭ pierakanańnie, što paśla vychadu filma „Anatomija pratestu — 2“, jaki byŭ prademanstravany na telekanale NTV, usie ŭdzielniki hetaha filma buduć aryštavanyja. I sapraŭdy, 18 kastryčnika jon byŭ abvieščany ŭ fiederalny (a nie mižnarodny!) vyšuk. Heta značyć, na terytoryi Ukrainy nie było nijakich padstavaŭ dla jaho zatrymańnia.
Leanid Razvazžajeŭ byŭ dastaŭleny ŭ Rasijskuju Fiederacyju na pryvatnym samalocie i apynuŭsia ŭ śledčym izalatary ŭ Lafortavie. Basmanny sud Maskvy 21 kastryčnika vynies pastanovu ab abrańni miery strymańnia ŭ vyhladzie
Na vychadzie z suda Leanid paśpieŭ kryknuć, što jon byŭ vykradzieny na terytoryi Ukrainy i 2 dni padviarhaŭsia katavańniam.Paśla hetaha my pra jaho ničoha nie čuli. Učora Śledčy kamitet Rasijskaj Fiederacyi apublikavaŭ na svaim sajcie aficyjnuju zajavu pra toje, što Leanid Razvazžajeŭ daŭ jaŭku z pavinnaj, u jakoj paćvierdziŭ usie abvinavačańni, jakija suprać jaho vyłučalisia. Pa hetaj ža spravie prachodzić Siarhiej Udalcoŭ, jaki znachodzicca pad padpiskaj ab niavyjeździe. Dumaju, što aryšt Udalcova — pytańnie najbližejšych hadzin. Taksama pad
Siarhiej Kiryčuk taksama zajaviŭ, što film «Anatomija pratestu — 2» źmiaščaje elemienty mantažu, i niama padstavaŭ mierkavać, što fakty, vykładzienyja ŭ hetym filmie, pa jakich zaviedzienyja kryminalnyja spravy, praŭdzivyja. Davajcie pahladzim na hetuju situacyju ź inšaha boku: čałaviek, jaki baicca pieraśledu pa palityčnych matyvach, vyjazdžaje na terytoryju inšaj krainy, prosić Upraŭleńnie Viarchoŭnaha kamisara AAN pa spravach biežancaŭ dać jamu status palityčnaha biežanca, raptam apynajecca na terytoryi Rasijskaj Fiederacyi i daje pakazańni suprać siabie. Sam siabie zakoŭvaje ŭ kajdanki, sam siabie sadžaje ŭ samalot, lacić u Rasiju i piša jaŭku z pavinnaj. Što b ciapier ni adbyvałasia, jakija b pakazańni ni davaŭ Leanid Razvazžajeŭ, usio heta šytaje biełymi nitkami, i bačna, što tut vielmi šmat łahičnych niestykovak».
Kamientary