Palityki Alaksandar Milinkievič, Vincuk Viačorka, Ihar Šynkaryk j Anatol Laŭkovič atrymali piśmovyja papiaredžańni za zboi ŭ «rytmie žyćcia stalicy».
Palityki Alaksandar Milinkievič, Vincuk Viačorka, Ihar Šynkaryk j Anatol Laŭkovič atrymali piśmovyja papiaredžańni za zboi ŭ «rytmie žyćcia stalicy».
Jak paviedamlaje pres‑słužba Abjadnanaj hramadzianskaj partyi, u liście za podpisam namieśnika staršyni Mienharvykankamu Michaiła Ciciankova zaznačana, što ŭ administracyju horadu dasłanyja «šmatlikija zvaroty hramadzianaŭ i haściej stalicy». Aŭtary zvarotaŭ pratestujuć «suprać praviadzieńnia nie sankcyjavanych Mienharvykankamam šeściaŭ j mitynhu, što adbylisia 25 sakavika». Pavodle Ciciankova, akcyja pieraškadžała piešachodnamu j transpartnamu ruchu, pryviała da zaśmiečvańnia prylehłaj terytoryi, zbojaŭ u pracy hramadzkaha transpartu j handlu. Usio heta «ŭ kančatkovym vyniku admoŭna adbiłasia na rytmie žyćcia stalicy».
Čynoŭnik papiaredžvaje zajaŭnikaŭ akcyi, što ŭ vypadku paŭtornaha praviadzieńnia niesankcyjavanych mierapryjemstvaŭ da ich «buduć prymienienyja miery adkaznaści ŭ adpaviednaści ź dziejnym zakanadaŭstvam».
Namieśnik staršyni AHP I. Šynkaryk źbirajecca paprasić Mienharvykankam aznajomić jaho sa śpisami «šmatlikich aburanych hramadzianaŭ».
— U stalicy žyvie dva miljony čałaviek, — pryvodzić pres‑słužba AHP słovy palityka. — Kolki niezadavolenych akcyjaj ludziej źviarnułasia? Moža, na samoj spravie 20 tysiačaŭ? A kali dva ci try pensijanery, jakich pakazvała BT, značyć, u astatnich dvuch miljonaŭ nia ŭźnikła nijakich prablemaŭ.
Kamientary