Pasolstvy Rasii i Litvy zakidvali kaktejlami Mołatava, u pasolśvie Čechii rvali ściah.
1997
U noč na 1 krasavika budynak pasolstva Rasii byŭ abstralany z aŭtamata Kałašnikava. Ślady ad kul byli znojdzienyja nie tolki na ścienach ambasady, ale i susiedniaha žyłoha doma. Pobač ź miescam zdareńnia byŭ znojdzieny kinuty aŭtamat i niekalki strelanych hilzaŭ. Nichto nie paciarpieŭ.
2001
U noč na 1 červienia na terytoryju rasijskaha pasolstva nieviadomyja kinuli vybuchoŭku. Była paškodžanaja aharodža, nichto nie paciarpieŭ. Infarmacyjnyja ahienctvy paviedamlali pra vybuch hranaty RHD-5, supracoŭniki pasolstva zajavili pra vybuchpakiety. Adkaznaść za vybuch paźniej uziaŭ na siabie Słavamir Adamovič, ale pravaachoŭnyja orhany nie pryniali hetych zajavaŭ usurjoz. Prynamsi, śledstva nie viałosia.
2008
2 lutaha incydent zdaryŭsia na terytoryi pasolstva Čechii. Tut byŭ parvany dziaržaŭny ściah krainy, raźbita akno ŭ budynku i łabavoje škło ŭ dypłamatyčnym aŭto. Milicyja zatrymała pa padazreńni ŭ ździejśnienym maładoha čałavieka 1981 h.n.. zaviali kryminalnuju spravu.
U noč na 25 lipienia nieviadomyja zakidali budynak pasolstva Litvy butelkami z farbaj, raskidali ŭlotki nacyjanał-balšavickaj partyi, a simvolikaj NBP razmalavali płot.
2010
U noč na 31 žniŭnia na terytoryju rasijskaj ambasady byli kinutyja plaški z zapalnaj sumieśsiu. U vyniku zhareŭ słužbovy lehkavik. Nichto z supracoŭnikaŭ ambasady nie paciarpieŭ. Pa spravie ab napadzie byli zatrymanyja i asudžanyja na roznyja terminy anarchisty Ihar Alinievič, Mikałaj Dziadok, Alaksandr Franckievič i Maksim Vietkin.
2012
6 listapada nieviadomyja kinuli na terytoryju pasolstva Litvy dźvie butelki z «kaktejlem Mołatava». Nichto nie paciarpieŭ. Uzharańnie zhasili litoŭskija palicyjanty, jakija achoŭvajuć pasolstva.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary