Niaśvižski pałac upieršyniu z časoŭ Radziviłaŭ pryniaŭ bal

U noč z 10 na 11 listapada ŭ Nacyjanalnym historyka-kulturnymmuziei-zapaviedniku «Niaśviž» adbyŭsia pieršy pałacavy bal.

Prajekt «Pałacavy bal u Niaśvižy» byŭ stvorany pa inicyjatyvie Ministerstva kultury Biełarusi ŭ padtrymku idei adradžeńnia staradaŭniaj tradycyi balaŭ.

U śviatočnym viečary ŭziali ŭdzieł opiernaja śpiavačka, zasłužanaja artystka Biełarusi Aksana Vołkava, rasijskaja baleryna Anastasija Vałačkova, rasijski akcior Dźmitryj Charaćjan, narodny artyst Biełarusi Viktar Manajeŭ, mastacki kiraŭnik i hałoŭny dyryžor Prezidenckaha arkiestra Biełarusi Viktar Babarykin, dyrektar Nacyjanalnaha mastackaha muzieja Biełarusi Uładzimir Prakapcoŭ.

Viadučymi viečara stali Alina Kraŭcova i Marat Bašaraŭ. Razam ź imi haściej sustrakali «Mis Biełaruś — 2008» Volha Chižynkova i Razana Devisan — dačka słavutaha kampazitara Krysa de Burha, uładalnica tytuła «Mis śvietu — 2003».

U pryvitalnym słovie ministr kultury Pavieł Łatuška adznačyŭ: «Praviadzieńnie pałacavaha balu ŭ Niaśvižy — kulturnaj stalicy 2012 hoda — nadaje hetamu mierapryjemstvu asablivaje hučańnie. Upieršyniu z časoŭ Radziviłaŭ historyja i sučasnaść usiaho na adnu noč abjadnajucca i napoŭniać zały Niaśvižskaha pałaca śvietłaj vieličču staradaŭniaha vysakarodnaha mastactva». Ministr pažadaŭ usim haściam pałaca «u takt z cudoŭnaj staradaŭniaj muzykaj pravieści nievierahodny viečar u atmaśfiery ciapła, dabra i niepaŭtornych uražańniaŭ».

Marat Bašaraŭ, adkryvajučy bal, skazaŭ: «My časta, zdymajučy kino, budujem dekaracyi, ale siońnia ja pryjechaŭ u cudoŭny Niaśvižski zamak i zrazumieŭ: navošta nam budavać dekaracyi, kali ŭ nas jość takija pałacy?

U pieršym bali byli zadziejničany samyja pryhožyja zały Niaśvižskaha pałaca: Teatralnaja, Załataja, Palaŭničaja, Hietmanskaja. Hości ŭbačyli vystupleńni folk-hurtu «Tutejšaja šlachta», studyi staradaŭniaha tanca «Załaty dvor», udzielniki jakoj pradstavili na sud hledačoŭ teatralnuju pastanoŭku ab historyi kachańnia Barbary Radzivił i Sihizmunda Aŭhusta. Prahramu balaŭ XIX stahodździa pradstaviła studyja histaryčnaha tanca «Viersal» razam sa strunnym kvartetam Astorio.

Arhanizatary prajekta — Ministerstva kultury Biełarusi i Nacyjanalny historyka-kulturnymuziej-zapaviednik «Niaśviž» pry padtrymcy Minskaha abłvykankama. Vykanaŭčy pradziusar prajekta — TAA «Bieryn Art Mieniedžmient».

• 0
• 0
• 0
• 0
• 0
• 0
• 0
• 0