Volnaja satyryčnaja
Zvyčajna, u «čorny śpis» traplajuć resursy, jakija ŭtrymlivajuć dziciačuju parnahrafiju, prapahandu suicydu i narkotykaŭ.
Stvaralniki sajta pakul nie viedajuć pryčyn, pavodle jakich lurkmore zabaranili: zaraz rychtujuć adpaviedny zapyt, kab vyśvietlić, jaki z materyjałaŭ padpaŭ pad zabaronu (u takim vypadku artykuł možna vydalić, paśla čaho źjaŭlajecca mahčymaść viartańnia sajta).
Lurkmore ujaŭlaje ź siabie encykłapiedyju «sučasnaj kultury, falkłoru i subkultur», vykananuju ŭ iraničnym, najčaściej — navat chamskim klučy.Siarod inšaha, na staronkach sajta možna ŭbačyć i artykuły pra Pucina, Miadźviedzieva, Łukašenku i inšych dziejačoŭ sučasnaj palityki, tyja artykuły majuć vostry, u niečym satyryčny charaktar.
Jość na Łurkamorji, jak nazyvajuć sajt na słenhu, i artykuły na biełaruskuju tematyku, u tym liku pra Zianona Paźniaka, Minsk, Hrodna, Biełaruś i «zmaharoŭ». Usie hetyja artykuły taksama inakš jak satyryčnymi nie nazavieš.
Naprykład Dźmitryja Miadziedzieva na sajcie apisvajuć tak: «druhaja hałava arła na rasijskim hierbie, viadomy televiadučy, pramaŭlaciel rotam pravilnych słovaŭ biez spravaŭ i rabiciel niapravilnych spravaŭ biez słovaŭ, ½ viadomaha kamiedyjnaha dueta, v.a. cara 2008–2012."
Pucina na «Łurkamorji» nazyvajuć nie inakš jak Krab(za viadomuju frazu «ja pracuju jak rab na halerach), a pra pohlady Paźniaka pišuć nastupnaje: «Z momantu adjezda znachodzicca ŭ piermanientnym apakaliptyčnym antahaniźmie z Baćkam, ale, Baćka, chutčej za ŭsio, pra heta ŭžo zabyŭ."
Suprać sajta časam zavodzilisia kryminalnyja spravy pa artykule za abrazu, ale nikoli da likvidacyi resursa ci navat štrafaŭ heta nie pryvodziła. Zaraz sajt pracuje z zaŭvažnymi pierabojami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary