Pierajemnik Pietreusa na pasadzie kiraŭnika afhanskaha kantynhientu taksama staŭ fihurantam seks-skandału
Hałoŭnakamandujučy vojskami ZŠA ŭ Afhanistanie hienierał Džon Alen staŭ novym fihurantam spravy byłoha dyrektara CRU Devida Pietreusa, jaki na minułym tydni pajšoŭ u adstaŭku z-za seksualnaha skandału. Pra heta paviedamlaje Associtated Press sa spasyłkaj na aficyjnuju zajavu Pientahona.
U vajennym viedamstvie pačata ŭnutranaje rasśledavańnie ŭ dačynieńni da Alena: jon padazrajecca ŭ «niedapuščalnych suviaziach» z Džył Keli, žančynaj, jakaja, pa viersii śledstva, atrymlivała listy z pahrozami ad Poły Brodueł -- asabistaha bijohrafa Pietreusa, raman ź jakoj i kaštavaŭ tamu pasady dyrektara CRU .
Vysokapastaŭlenaja krynica ŭ Pientahonie raspaviała ahienctvu, što śledčyja vyvučajuć bolš za 20 tysiač staronak pierapiski pamiž Alenam i Keli, ažyćcioŭlenaj z 2010 pad 2012 hod.Jon nie ŭdakładniŭ, što źjaŭlajecca pradmietam pošuku: paviedamleńni seksualnaha charaktaru abo raskryćcio sakretnaj infarmacyi. Nieviadoma taksama, zhadvajecca ci ŭ pierapiscy Pietreus.
Ministr abarony ZŠA Leon Panieta zajaviŭ, što FBR pieradało rasśledavańnie spravy jaho viedamstvu.Akramia taho, paviedamlajecca, što da zakančeńnia śledstva Alen praciahnie vykonvać abaviazki kiraŭnika kantynhienta ZŠA ŭ Afhanistanie. Heta značyć, što Alena padazrajuć u parušeńni statuta, a nie ŭ złačynstvie fiederalnaha zakanadaŭstva, adznačajuć žurnalisty Associated Press.
U 2011 hodzie Alen staŭ pierajemnikam Pietreusa na pasadzie kiraŭnika hrupoŭki ŭzbrojenych siłaŭ ZŠA ŭ Afhanistanie. U 2012 hodzie jon pavinien byŭ być abrany hałoŭnakamandujučym amierykanskimi vojskami ŭ Jeŭropie, a taksama stać kiraŭnikom jeŭrapiejskich sił NATO. Ciapier heta pryznačeńnie pad pytańniem. Panieta zajaviŭ, što paśla kansultacyi z prezidentam Barakam Abamam vyrašana adkłaści vyłučeńnie Alena na hetyja pasady da taho času, pakul nie budzie skončana rasśledavańnie.
Adznačym, što ŭ minułuju subotu -- u toj ža dzień, kali stała viadoma pra adstaŭku Pietreusa, - najbujniejšy abaronny kancern ZŠA Lockheed Martin abviaściŭ pra zvalnieńnie svajho vykanaŭčaha dyrektara Krystofiera Kubasika,jaki sa studzienia 2013 hoda pavinien byŭ stać hiendyrektaram kampanii. Svajoj pasadzie Kubasik taksama pazbaviŭsia z-za seksualnaha skandału, ŭnutranaja pravierka vyjaviła, što jon znachodzicca ŭ intymnaj suviazi z adnoj sa svaich padnačalenych.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary