U vychodnyja Mikałaj Statkievič patelefanavaŭ žoncy Marynie Adamovič - papiaredni zvanok byŭ 2 miesiaca tamu.
«Badziory i viasioły, jak zaŭsiody. Jamu narešcie dajšła maja rečavaja pieradača, što ŭžo nievierahodna pryjemna. Mikałaj kaža, što ŭ turmie ciapier usio istotna źmianiłasia, stali raptam pilnavacca Kryminalna-vykanaŭčaha kodeksu, usio ciapier pavodle kodeksu, jak jon kaža. Jaho pieraviali ŭ inšuju kamieru, jamu ciopła, i paśla toj «ladoŭni», u jakoj jon amal hod utrymlivaŭsia, kamiera zdajecca navat śviatlejšaj», - raspaviała Maryna Adamovič «Radyjo Svaboda».
Maryna Adamovič atrymała adrazu dva listy. Mikałaj Statkievič sa spaźnieńniem daznaŭsia, što Mikałaj Dziadok znachodzicca ŭ pamiaškańni kamiernaha typu ŭ Škłoŭskaj turmie:
«I jon uspaminaje svoj dośvied znachodžańnia tam. Piša, što kamiera admysłovaja, z troch bakoŭ ahinajecca kalidoram, u joj nivodnaha akienca, visić adna lampačka ŭ 40 vat za žaleznaj zasłonaj ź dziračkami. Vyvodziać na prachodku a pałovie siomaj ranicy na paŭhadziny, kali sonca jašče niama…»
Eks-kandydat u prezidenty Mikałaj Statkievič adbyvaje 6-hadovaje pakarańnie ŭ Mahiloŭskaj turmie.
Kamientary