95+
Kali karotka padvieści vyniki, to BATE prabiŭsia ŭ
A na stadyjonie «Dynama» praviedzienaja apošniaja hulnia. Byvaj, stadyjon!
90-aja
Sudździa dadaje piać chvilin. Jašče 300 siekund, kab pabačyć usio ž hoł ad BATE.
86-aja
Naprykancy hulni Hančarenka daje pahulać vieteranu Ramanu Vasiluku. U dva forvardy pierachodzić BATE.
83-aja
Vydaleńnie ŭ futbole — heta nie ŭ chakiei. Ciažka atrymać niejkija dyvidendy. Hulnia idzie ŭ tym ža rečyščy, što i da čyrvonaj kartki.
79-aja
Bresan na paru z Hlebam nie realizavali jašče adzin momant. Hleba ŭ chutkaści zamianili na Sivakova.
75-aja
Sidzibie atrymaŭ druhuju žoŭtuju kartku i vydaleny z pola.
69-aja
U chutkija kontrataki biehajuć francuzy, i heta niebiaśpiečniej za pazicyjnyja ataki BATE.
U
64-aja
Futbalisty nibyta ŭ małace płavajuć. Šancy chacia b na ničyju źmianšajucca z kožnaj chvilinaj.
Praciahvajucca dzivactvy abarony i Harbunova. Miač marudna zapaŭzaŭ u pustyja varoty paśla ŭdara Marcina, ale sa stužki na vuhłavy vybiŭ Radźkoŭ. Momantami BATE hulaje na adboj.59-aja
55-aja
Niechta z futbalistaŭ «Lila» lažaŭ na hazonie. Śvistam sustreli heta trybuny.
Tuman huścieje, maroz krapčeje. A ataki BATE52-aja
48-aja
Pa takim tumanie recept prosty — treba čaściej bić pa varotach. Ale ŭdaraŭ, asabliva ŭ stvor, kot napłakaŭ.
Druhi tajm pačaŭsia.46-aja
Alaksandra Vaładźko zamianiŭ Arciom Kancavy. Arciom hulec zły, jaki moža zavieści kamandu.
46+
Pierapynak
45-aja
Miač trapiŭ u «piatuju kropku» charvackaha sudździ. Trybuny parahatali choć. Da asnoŭnaha času pieršaha tajma dadzienaja adna chvilina.
45-aja
Bresan upuskaje jašče adnu mahčymaść zabić. Nie lacić miač u varoty, choć treśni.
43-jaja
Pry Lichtaroviču takoha nie było, tak i chočacca skazać. Sapraŭdy, mahčyma, adsutnaść vopytnaha apornika klučavaja ŭ hetych pravałach u abaronie.
39-aja
Vaładźko prabiŭ pa ramcy, ale prosta ŭ ruki francuzskamu kipieru. Sumna.
36-aja
Zdajecca, što heta, kali nie nakaŭt, to nakdaŭn dakładna. Nibyta paŭtareńnie hulni z «Valensijaj»
32-aja
0:2, i pierśpiektyvy BATE navat u Lizie Jeŭropy pad vialikim pytańniem. Adznačyŭsia Džani Bruno. Asobnyja «hłory» paciahnulisia da vychadu. Vidać, paškadavali, što praviali viečar nie ŭ ciaple.
28-aja
Uchaje i achaje stadyjon ad atak BATE, ale ŭsio bieź plonu. «Lil» trymaje varoty na zamku.
23-jaja
Prabačyli futbalisty «Lila» BATE. Tak zachapilisia našy atakaj, što pra abaronu i nie ŭspaminajuć. Vyratavaŭ Harbunoŭ ad dubla Kału, a z adskoku Bruna — vyšej varot.
A pierad hetym Vital Radzivonaŭ nie zmoh pieravieści miač u sietku z vostraha kuta.
20-aja
Adrazu paśla prapuščanaha hoła dva šancy ŭpuścili barysaŭcy. Spačatku z udaram pramarudziŭ Vaładźko, a ŭžo potym Alachnovič prabiŭ krychu vyšej. Što ž vy, chłopcy, da hoła tak nie hulali?
17-aja
Voś tak katali futbalisty BATE miač na rassłabonie. Nibyta i atakavali, chacia pa varotach nie bili. A «Lil» u redkaj vyłazcy ŭ čužuju štrafnuju skarystaŭsia ŭ maksimumie. Hoł zabiŭ Sałamon Kału. Možna było b papraknuć Harbunova, jaki nie daŭ rady strełu ivuaryjca, ale ž tuman — 0:1.
Hudzilin zachaplajecca tumanam. Novyja zdymki ad fotakara «NN». A jašče sfatahrafavaŭ niekalkich fanataŭ «Lila», što pryjechali padtrymać lubimy kłub.
10-aja
Pakul padziei nie zakipieli, jość mahčymaść krychu prezientavać supiernika. «Lil» — kamanda z adnajmiennaha horada na miažy ź Bielhijaj, tam, darečy, naradziŭsia Šarl de Hol. Kamanda trojčy vyjhravała čempijanat Francyi (apošni raz u 2011).
U hetym pieršynstvie spravy pakul u «Lila» iduć nie vielmi. Nu i ŭ Lizie čempijonaŭ. Čatyry «baranki» z čatyroch.
6-aja
Ledź nie zabyŭsia. Sudzić matč charvat Maryjo Strachonia.
Supraćlehłuju trybunu amal nie bačna. A, vidać ža, tuman budzie tolki ŭzmacniacca.
Hleb i Bresan u asnoŭnym składzie. Kreatyŭ u centry pola zabiaśpiečany.
3-jaja
Darečy, u 2004 hodzie «Lil» užo haściavaŭ u Minsku. Tady kamanda sustrakałasia ź minskim «Dynama» ŭ Kubku Intertota. Matč skončyŭsia ŭničyju (2:2), ale pa sumie dźviuch hulniaŭ dalej prajšli francuzy.
Na poli pakul ničoha cikavaha nie adbyvajecca.
1-aja
Pajechali!
19:58
Žoŭtyja i sinija bałoniki palacieli ŭ nieba, himn adhučaŭ — možna i pačynać. Našy ŭ sinim, supiernik — u biełym.
19:56
Jość užo ŭ nas na sajcie i pieršyja zdymki sa stadyjona.
19:55
Składy kamand.
BATE: Harbunoŭ, Vaładźko, Bresan, Radźkoŭ (kapitan), Hleb, Bardačoŭ, Radzivonaŭ, Filipienka, Alachnovič, Baha, Palakoŭ.Źviartaje ŭvahu adsutnaść u asnoŭnym składzie Dźmitryja Lichtaroviča, a taksama Marka Simiča. Alaksandr Paŭłaŭ traŭmavany.
«Lil»: Elana, Dziń, Roziehnał, Sidzibie, Baša, Huej, Marcien, Piedreci, Kału, Bruna, Radlen.
19:51
Zaŭziataraŭ zaŭvažna mieniej, čym u piapiarednija hulni. Jasna, «Lil» — heta nie «Bavaryja». Tyja, što jość, huduć i ŭvohule badzioryja.
Darečy, heta apošni matč na stadyjonie «Dynama». 1 śniežnia hałoŭnaja arena krainy začyniajecca na rekanstrukcyju, jakaja nieviadoma kolki praciahniecca.
19:49
Siońnia ŭ Minsku vialiki tuman. Letaś u takich samych umovach BATE sastupiŭ češskaj «Viktoryi». Ci budzie siońnia tuman ščaślivym dla barysaŭcaŭ?
* * *
Siońnia barysaŭski kłub praviadzieA5-y matč hrupavoha raŭndu futbolnaj Lihi čempijonaŭ 2012/2013.
Nahadajem, biełaruski kłub startavaŭ u hrupavym turniry akurat haściavoj pieramohaj nad «Lilem» (19 vieraśnia, 1:3), zatym u Minsku 2 kastryčnika była atrymana pieramoha nad «Bavaryjaj» (3:1). Paśla BATE dvojčy prajhraŭ «Valensii» (0:3, 2:4).
Stanovišča kamandaŭ: Bavaryja, Valensija — 9, BATE — 6, Lil — 0.Navat paraza ź likam 0:2 u siońniašnim matčy harantuje BATE pucioŭku ŭ 1/16 finału Lihi Jeŭropy.
Ničyja abo pieramoha ŭ siońniašnim matčy pavyšaje šancy BATE na