Niazvykłaja akcyja pratestu prachodzić siońnia pierad budynkam Jeŭraparłamienta ŭ Bruseli. Pratestujuć sialanie krain Bałtyi.
Jany patrabujuć bolš spraviadlivaha raźmierkavańnia subsidyj Jeŭrasajuza, pryznačanych fiermieram. Adnym z hałoŭnych «udzielnikaŭ» akcyi budzie traktar «Biełarus», jaki pryjechaŭ u Brusel z Talina.
Pikiet prymierkavany da samita krain Jeŭrasajuza pa pytańniach biudžetu ES. U im udzielničajuć i kiraŭniki troch krain Bałtyi. Tamu da pratestu sialanaŭ majuć dałučycca prezidentka Litvy Dala Hrybaŭskajcie i prem'
Ciapier subsidyi naličvajucca ŭ zaležnaści ad siaredniaha dachodu žycharoŭ toj ci inšaj krainy. U vyniku łatvijskija sialanie atrymlivajuć samyja nizkija subsidyi ŭ ES — nie bolš za 115 dalaraŭ za hiektar, tady jak siaredni pakazčyk pa ES składaje kala 320 dalaraŭ za hiektar.
Łatvija patrabuje ad ES ustanavić minimalny pamier pramych płaciažoŭ na ŭzroŭni 80% ad siaredniaha pa Jeŭropie ŭžo z 2014 hoda.
Dla paraŭnańnia: biełaruskija sialanie atrymlivajuć datacyi tolki z nacyjanalnaha biudžetu.
