Redakcyja «Viestak» atrymała ksierakopiju raźlikovaj viedamaści akcyjaniernaha tavarystva «Pliski lnozavod» (Hłybocki rajon), dzie jano raźličvajecca z supracoŭnikami Padśvilskaj ŽKH za ŭborku lnu.
Za dzień pracy — 26 vieraśnia — adnamu z supracoŭnikam zapłacili 4.060 rubloŭ (0,47 dalara). Chto pracavaŭ 28 vieraśnia, atrymali pa 4.680 rubloŭ (0,55 dalara).
29 vieraśnia byŭ vychodny, tamu płacili ŭ padvyšanym pamiery — pa 12.180 rubloŭ.
Ahułam dvaccać adzin rabotnik, jakija razam adpracavali dvaccać čatyry dni, atrymali 191.720 rubloŭ (22,37 dalara).
Karespandent patelefanavaŭ u buchhałteryju AAT «Pliski lnozavod», siadziba jakoha znachodzicca ŭ miastečku Padśville.
Supracoŭnik patłumačyŭ, što isnujuć zaćvierdžanyja načalstvam rascenki — za hiektar uźniataha ŭručnuju lnu płacić 57.651 b rubloŭ.
Pa słovach supracoŭnika, ludzi ŭzdymali pa 10–15 sotak lnu za dzień. Tamu takija i rascenki, kaža jon.
Supracoŭnica Padśvilskaha kaža, što «rabili stolki, kolki nam kazali». Pracavali časam da abieda, adnojčy — da pałovy na čaćviortuju.
0
0
0
0
0
0