24 listapada ŭ Barysaŭskim rajonie Minskaj vobłaści prajšli mierapryjemstvy, pryśviečanyja
Mierapryjemstvy, u jakich uziali ŭdzieł dypłamaty, administracyja Minskaj vobłaści i Barysava, a taksama šmatlikija hledačy, pakinuli nie zusim pryjemnaje ŭražańnie ŭ karespandenta BiełaPAN. Reč u tym, što adnym z samych vidoviščnych padziej pavinna była stać histaryčnaja rekanstrukcyja bitvy vojskaŭ Napalena z abaroncami horada.
Z samaj ranicy DAI pierakryła dalokija podstupy da Bryloŭskaha pola, dzie pavinna była razharnucca bitva.Chacia mierapryjemstva, pavodle infarmacyi pasolstva Francyi ŭ Biełarusi nie adnosiłasia da liku zakrytych, aŭtamabili, jakija nie mieli propusku ideałahičnaha adździeła administracyi Barysaŭskaha rajona, nie prapuskali.
Tych, chto dabraŭsia da Bryloŭskaha pola, čakaŭ inšy niepryjemny siurpryz: piešachodnaja darožka, što viadzie mima niekalkich manumientaŭ, akazałasia aharodžanaj čyrvonaj stužkaj z nadpisam «Niebiaśpiečnaja zona» i dadatkova ačeplenaj milicyjaj.Chadzić pa joj mahli tolki «akredytavanyja» hanarovyja hości. Usim astatnim, u tym liku pažyłym ludziam i siemjam z maleńkimi dziećmi, milicyja prapanoŭvała chadzić pa pašy.
Členy histaryčnaha kłuba vajny 1812 hoda z Padmaskoŭja, jakija pryjechali na rekanstrukcyju, zaznačyli, što niepryjemna ździŭleny arhanizacyjaj śviata.Pavodle słoŭ adnaho z «sałdat», prahrama pastajanna mianiałasia, nie było zrazumieła, budzie rekanstrukcyja ci nie. Zrešty, rasijanie adznačyli biełaruskuju haścinnaść u płanie charčavańnia i pražyvańnia.
0
0
0
0
0
0
