U centry Minska BMV prataraniŭ tralejbus, jość paciarpiełyja — fota
Na miesca zdareńnia pryjechali dva aŭtamabili chutkaj dapamohi. Utvaryŭsia zator.
Tralejbus pavaročvaŭ na dyśpietčarskuju stancyju «Družnaja». U hety momant jaho prataraniŭ BMV.
Pa słovach vidavočcaŭ aŭtamabil jechaŭ na vialikaj chutkaści i nie paśpieŭ zatarmazić na čyrvonaje śviatło. Pa słovach supracoŭnikaŭ DAI, jakija pracujuć na miescy zdareńnia kiroŭca i pasažyr aŭto žyvyja, taksama niama achviaraŭ u tralejbusie.
Ale jość paciarpiełyja. Na miesca padziejaŭ prybyli dva aŭtamabili chutkaj dapamohi.
Pavodle słoŭ kiroŭcy tralejbusa, BMV jechaŭ na čyrvonaje śviatło. Kiroŭca BMV śćviardžaje, što nie pamiataje, jakoje mienavita śviatło hareła na śviatłafory.
Ad hetaha ŭ bok DS «Družnaja» pa vulicy Tałstoha ŭtvaryŭsia vialiki zator z tralejbusaŭ.
Kamientary