Zamiest taho, kab uvažliva vyčytvać ankiety dy zaprašać na interviju patencyjnych supracoŭnikaŭ, sučasnyja pracadaŭcy hadzinami siadziać u Siecivie dy vyvučajuć błohi kandydataŭ na pracu ŭ svaich kampanijach.
Zamiest taho, kab uvažliva vyčytvać ankiety dy zaprašać na interviju patencyjnych supracoŭnikaŭ, sučasnyja pracadaŭcy hadzinami siadziać u Siecivie dy vyvučajuć błohi kandydataŭ na pracu ŭ svaich kampanijach.
Takaja sytuacyja, prynamsi, nazirajecca ŭ ZŠA, ab čym i piša online‑versija hazety The Wall Street Journal. Prafesijanały ŭ halinie pošuka talenavitych i adkaznych supracoŭnikaŭ daŭna vykarystoŭvajuć Internet dla vyvučeńnia infarmacyi ab patencyjnym kandydacie ci prosta dla pošuka kandydata na pracu. Ale zaraz i błohasfera pačała vabić pracadaŭcaŭ jak infarmacyjnaja placoŭka, dzie možna šmat daviedacca pra svaich budučych supracoŭnikach.
I heta možna lohka rastłumačyć: błoh ci internet‑dziońnik — heta cudoŭnaja mahčymaść daviedacca jak maha bolej pra kandydata: ad jaho intelektualnych zdolnaściaŭ da zachapleńniaŭ dy rysaŭ charaktaru. Zaraz błohierstva pieratvarajecca amal u abaviazkovuju reč dla hramadzkich dziejačoŭ, pradstaŭnikoŭ kulturnaha bamondu. Što ž tady kazać pra prostych supracoŭnikaŭ IT‑kampanijaŭ ci žurnalistaŭ, šmat chto ź jakich i tak bolšuju častku svajho pracoŭnaha dnia pravodzić u Siecivie? Tamu pracadaŭcaŭ mienavita z hetych sferaŭ bolš za ŭsie budzie cikavić vaš błoh, kali vy vyrašycie prapanavać im svaju kandydaturu.
U toj ža Amerycy navat prostyja menedžery mohuć pieračytać vaš błoh pierad tym, jak pryniać vas na pracu. Nia kažučy ŭžo pra specyjalizavanych internet‑chedchanteraŭ, jakija tolki i robiać, što vyvučajuć błoh kandydata na pracu.
Błohasfera ŭ našaj krainie ŭžo daŭna zachapiła šyrokija koły ludziej roznych uzrostaŭ i prafesij, dziakujučy čamu Biełaruś zajmaje 13‑aje miesca ŭ śviecie pa kolkaści błohaŭ na adnym z samych papularnych resursaŭ dla online‑dziońnikaŭ livejournal.com. I, jak vyśviatlajecca, našy pracadaŭcy nie zastalisia ŭ baku ad suśvietnych tendencyj i taksama pačali prahladać błohi kandydataŭ na pracu ŭ svaje kampanii. Šef‑redaktar hazety «Naša Niva» Andrej Dyńko dzielicca z generation.by svaimi dumkami pra błohi i ich značeńnie dla pracadaŭcy i kandydata:
«My prahladajem błohi kandydataŭ na pracu ŭ hazecie prykładna z toj ža metaj, dziela čaho robicca hrafalahičnaja ekspertyza, jakaja šyroka raspaŭsiudžna ŭ Francyi. Błoh dapamahaje vyśvietlić, ci adpaviadaje čałaviek psychalahična i tvorča toj pasadzie, na jakuju jon pretenduje. Ale admaŭlać u pryniaćci na pracu na padstavie «nieadpaviednaha» internet‑dziońniku my nia možam. Adzinaje, što paraim čałavieku, šukać pracu nie buhaltara, a, naprykład, fotakarespandenta.»
Moža adbycca i zusim procilehłaja sytuacyja, kali pracadaŭca ź cikaŭnaściu čytaje vaš błoh, i, u vypadku ŭźniknieńnia volnaha miesca ŭ jaho kampanii, z radaściu zaprosić papularnaha błohiera da siabie.
Niekatoryja kampanii pajšli dalej i pačali zapytvacca ŭ budučych supracoŭnikach ab forumach i sajtach, na jakich jany baviać čas, kab skłaści poŭny psychalahičny partret čałavieka, vyjavić asnoŭnyja rysy charaktaru.
Ale nia ŭsie pracadaŭcy tak pryjazna staviacca da pošuka supracoŭnikaŭ pa błoham. Hieneralny dyrektar partała TUT.BY Kirył Vałošyn ličyć, što błoh — heta nie pakaźnik.
«Čałaviek moža pisać u im što zaŭhodna, — śćviardžaje jon. — Kali pretendent na pracu paznačaje ŭłasnuju staronku, to my jaje ŭsio roŭna prahladajem. Heta daje mahčymaść bolš daviedacca ab uzroŭni piśmiennaści čałavieka, styli jaho myśleńnia.»
Specyjalisty śćviardžajuć, što ź vialikaj vierahodnaściu vas usio roŭna buduć «huhlić» (šukać pra vas infarmacyju praz Google ci Jandeks) i, takim čynam, składuć na vas daśje. A voś što ŭ im budzie — całkam zaležyć ad vas, bo kožny čałaviek tak ci inakš pakidaje svoj śled u Suśvietnym pavucińni. Tamu našmat razumniej budzie samomu stvarać svoj imidž :).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary