1 traŭnia adnaviŭ pracu moładzievy sajt pa adrasie studenty.by. Štopraŭda, ciapier zapyt aŭtamatyčna pieranakiroŭvajecca na www.generation.by . Užo nie studenty, a hieneracyja!
Sajt raptoŭna i biez tłumačeńniaŭ pierapyniŭ svaju pracu ŭ piatnicu 13‑ha krasavika. Na jahonym miescy źjaviłasia fłeš‑animacyja z vyjavaj vožyka, jaki śpić i nie reahuje na budzilnik.
Prahnozy, što viadziecca praca nad novym dyzajnam i kancepcyjaj sajtu spraŭdzilisia. Zajmieli «studenty» i novy internet‑adras — www.generation.by .
Va ŭstupnym słovie stvaralniki sajtu pišuć: «Generation.by — heta resurs dla aktyŭnych ludziej i placoŭka dla realizacyi tvorčych idejaŭ. My źjaŭlajemsia pieršym pakaleńniem, što vyrasła ŭ niezaležnaj Biełarusi, što ŭžo robić nas čymści admietnymi. My — pakaleńnie, jakoje choča dasiahnuć usich viaršyniaŭ i ni santymetram mieniej, jakoje razumieje, što ŭładkoŭvać svajo žyćcio patrebna samastojna».
Sajt padzialajecca na čatyry raździeły: publikacyi, fotabłoh, forum, ludzi. Jość vobłaka tematyčnych słovaŭ (tehaŭ). Źjaviłasia niepasrednaja mahčymaść pakidać kamentary adrazu paśla jakoha‑niebudź artykułu.
Što ŭłasna da samich artykułaŭ, to ŭ materyjałach na novym sajcie pa-raniejšamu raskazvajecca pra toje, što chvaluje studenckuju i ŭžo niestudenckuju moładź pakaleńnia Y.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary