3 traŭnia 1791 hodu Sojm Rečy Paspalitaj abodvuch narodaŭ zaćvierdziŭ Kanstytucyju — pieršuju ŭ Eŭropie, druhuju ŭ śviecie i apošniuju dla supolnaje dziaržavy Polščy i Vialikaha Kniastva Litoŭskaha. Milinkievič prymie ŭdzieł va ŭračystaściach, pryśviečanych hadavinie Kanstytucyi 3 maja. Mierapryjemstvy projduć adnačasova ŭ Varšavie i Vilni.
3 traŭnia 1791 hodu Sojm Rečy Paspalitaj zaćvierdziŭ Kanstytucyju — pieršuju ŭ Eŭropie, druhuju ŭ śviecie i apošniuju dla supolnaje dziaržavy Polščy i Vialikaha Kniastva Litoŭskaha. Tahačasnyja biełarusy žyli pavodle hetaj kanstytucyi da zachopu biełaruskich ziemlaŭ Rasiejskaj imperyjaj.
Siońnia, 2 traŭnia, lider demakratyčnych sił Biełarusi Alaksandr Milinkievič prymie ŭdzieł va ŭračystaściach, pryśviečanych hadavinie pryniaćcia Kanstytucyi 3 maja 1791 hoda. Mierapryjemstvy projduć adnačasova ŭ Varšavie i Vilni.
Alaksandr Milinkievič vystupić na sumiesnym uračystym pasiedžańni parłamientaŭ Polščy i Litvy z udziełam pradstaŭnikoŭ Jeŭrapiejskaha parłamienta, Niamieckaha Bundestaha, Češskaha sienata, Łatvijskaha siejma, parłamientaŭ Vienhryi i Estonii.
Padčas vizitu zapłanavanyja taksama sustrečy lidera demakratyčnych sił Biełarusi sa staršynioj Jeŭraparłamienta Hansam Hiertam Pioterynham, z prezidentam Polščy Lecham Kačyńskim, z kiraŭnikami Sojmu i Sienatu RP, ź ministrami zamiežnych spraŭ i kultury.
Zaprašeńnie Aleksandra Milinkieviča na śviatkavańnie hadaviny pryniaćcia Kanstytucyi 3 maja 1791 hoda, pa mierkavańni litoŭskich i polskich palitykaŭ, śviedčyć ab našym sumiesnym histaryčnym minułym i žadańni pabudovy ź Biełaruśsiu siabroŭskich dobrasusiedskich adnosinaŭ, paviedamlaje sajt palityka milinkevich.org
«Tut jość vidavočnaje symbaličnaje značeńnie. Heta hadavina pryniaćcia kanstytucyi Rečy Paspalitaj abodvuch narodaŭ, jakaja była ŭchvalenaja pradstaŭnikami Polščy i histaryčnaj Litvy, u skład jakoj, jak viadoma, uvachodzili i ciapierašnija biełaruskija ziemli. Heta nas abjadnoŭvaje ź ciapierašniaj Biełaruśsiu. My — razam», — prakamentavaŭ zaporašeńnie spadara Milinkieviča dla Radyjo Svaboda staršynia deputackaj Hrupy salidarnaści ź Biełaruśsiu Robert Tyškievič.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary