Pavodle Minbudarchitektury, u najbližejšaj budučyni kolkaść žylla ŭ volnym prodažy pa kamercyjnych koštach maje skaracicca ŭ čatyry razy.
Pavodle sajtu realt.by košt kvadratnaha metru siaredniaj staličnaj adnapakajoŭki na druhasnym rynku dasiahnuŭ 2 000 dalaraŭ. Nabyć takuju kvateru možna za $68 000. Dvuchpakajovaja kvatera kaštuje na siońnia $89000 (1833 u.a. za metar), trochpakajoŭki – $123300 (1795), a čatyrochpakajoŭki pradajucca amal za paŭtary sotni tysiačaŭ dalaraŭ –$145300 (1656).
Košty na druhasnym rynku žylla niesupynna rastuć, paviedamlaje realt.by. Viadomyja vypadki, kali trochpakajovaja kvatera padaražeła za sutki na $ 8 000. U siarednim pa Miensku kvatery daražejuć za niekalki tydniaŭ na $ 10 tys.
Admysłoŭcy nazyvajuć niekalki pryčynaŭ imklivaha rostu koštaŭ na druhasnym rynku. Raniej kala 40% novabudaŭ pradavałasia pa zanižanych koštach siemjam, što mieli patrebu ŭ palapšeńni žyllovych umovaŭ. Astatniaje žyllo realizoŭvałasia pa kamercyjnych koštach. Siońnia pierad budaŭničymi arhanizacyjami pastaŭlenaja dziaržaŭnaja zadača padvoić kolkaść sacyjalnaha žylla, nie zvažajučy na pastajanny rost popytu na kamercyjnaje žyllo. U vyniku bolšaść dziaržaŭnych budaŭničych arhanizacyjaŭ zharnuli dolevaje budaŭnitva.
Pavodle Minbudarchitektury, u najbližejšaj budučyni kolkaść žylla ŭ volnym prodažy pa kamercyjnych koštach maje skaracicca ŭ čatyry razy. Siarod pryčynaŭ taksama mahčymaje ŭkładańnie srodkaŭ biełarusaŭ u nieruchomaść. Vierahodna i toje, što pieraaryjentacyju na druhasny rynak vyklikali istotnyja źmieny ŭ zakanadaŭstvie, jakoje vyznačaje pryciahnieńnie srodkaŭ u dolevaje budaŭnictva žylla.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary