Klaštarom bernardynaŭ zacikavilisia ŭ Administracyi prezydenta

Pa daručeńni Administracyi prezidenta stvorana kamisija dla vyvučeńnia pytańnia ab rekanstrukcyi byłoha klaštara biernardzincaŭ u Minsku.

U suviazi z kalektyŭnym zvarotam viernikaŭ pa daručeńni Administracyi prezidenta stvorana mižviedamasnaja kamisija dla vyvučeńnia pytańnia ab zapłanavanaj rekanstrukcyi abjektaŭ byłoha klaštara biernardzincaŭ — pomnika architektury baroka XVII stahodździa, raźmieščanaha ŭ Minsku pa vulicy Kiryła i Miafodzija, 6 i 8. Pra heta paviedamlajecca ŭ liście staršyni kamiteta architektury i horadabudaŭnictva Minskaha harvykankama Anatola Nikicina na zvarot u Prakuraturu Biełarusi staršyni hramadskaha abjadnańnia «Tavarystva biełaruskaj movy imia Franciška Skaryny» kandydata histaryčnych navuk Aleha Trusava pa pytańni zakonnaści raźmiaščeńnia haścinicy i abjektaŭ handlova‑bytavoha pryznačeńnia na miescy klaštara biernardzincaŭ.

U liście, u pryvatnaści, adznačajecca, što raspracoŭka prajektnaj dakumientacyi pa rekanstrukcyi i restaŭracyi pomnika architektury viadziecca pa zamovie kamunalnaha unitarnaha pradpryjemstva «Minskaja spadčyna» ŭ adpaviednaści z rašeńniem Minharvykankama i na padstavie dazvołu Ministerstva kultury na prava praviadzieńnia rabot na historyka‑kulturnych kaštoŭnaściach. «Zaraz pa hetym abjekcie vykonvajucca kompleksnyja navukova‑daśledčyja raboty, viadziecca prapracoŭka prajektnych prapanoŭ. Zaklučany dahavor ź Instytutam historyi Nacyjanalnaj akademii navuk Biełarusi na praviadzieńnie archieałahičnych daśledavańniaŭ», — paviedamlajecca ŭ liście.

U intervju BiełaPAN A.Trusaŭ vykazaŭ padziaku Administracyi prezidenta za stvareńnie mižviedamasnaj kamisii i nadzieju, što biełaruskija archieołahi praviaduć abśledavańnie ŭsioj płoščy kulturnaha słoja ŭ rajonie klaštara, a nie abmiažujucca zakładkaj tolki niekalkich šurfaŭ. Jon ličyć, što hetyja raskopki pavinny pravodzicca pad abaviazkovym hramadskim kantrolem.

Treba adznačyć, što z 7 sakavika, paśla taho jak stała viadoma pra płany haradskich uładaŭ pieradać budynki klaštara inviestaram dla ich rekanstrukcyi i dalejšaha prystasavańnia, pačaŭsia zbor podpisaŭ pad zvarotam da kiraŭnika dziaržavy za viartańnie klaštara biernardzincaŭ rymska‑katalickaj abščynie śviatoha Iosifa, jakaja treci hod pravodzić štodzionnyja malebny za pieradaču byłoj śviatyni viernikam. Tym časam z budynkaŭ klaštara ŭžo vysieleny słužby vajennaj kamiendatury i prakuratury.

• 0
• 0
• 0
• 0
• 0
• 0
• 0
• 0