Ład, 20.55 (paŭtor u niadzielu a 06.20)
Chapaj hrošy j uciakaj (Take the Money and Run)
ZŠA, 1969, č/b i kalarovy, 85 chv.
Režyser: Vudzi Ałen
Roli vykonvajuć: Vudzi Ałen, Dženet Marholin, Marsel Hiłary, Žaklin Hajd, Łoni Čepmen, Džen Merlin, Džejmz Andersan, Hovard Storm
Žanr: Kryminalnaja kamedyja
Vierdžył (Vudzi Ałen) – saramlivy niebaraka ŭ rahavych akularach i naviaźlivy rabaŭnik pa sumiaščalnictvie, jaki kožny raz traplaje turmu. Paśla čarhovaj adsiedki hieroj adpraŭlajecca ŭ park, kab ściahnuć čyjści hamaniec, ale sustrakaje žančynu svajoj mary. Dla poŭnaha ščaścia Vierdžył vyrašaje abrabavać bank…
Režyserski debiut Vudzi Ałena, pastaŭleny ŭ pseŭdadakumentalnaj maniery. Hołas ad aŭtara padrabiazna kamentuje žyćcio saramlivaha złodzieja…
ANT, 21.05
Ciełaachoŭnik (Bodyguard)
ZŠA, 1992, kalarovy, 130 chv.
Režyser: Mik Džeksan
Roli vykonvajuć: Kievin Kiostner, Ŭitni Hjustan, Hary Kiemp, Bili Kobs, Ralf Ŭejt, Tomas Arana
Žanr: Meladramatyčny trymcieńnik
Adznaka: 5 (z 10)
Frenk Farmer, były ciełaachoŭnik Rejhana, najmajecca da ciemnaskuraj śpiavački Rejčeł, jakoj niechta pahražaje. Ciełaachoŭnik i śpiavačka – zakachajucca adzin u adnaho…
Składzieny ŭ 70-yja scenar Łorensa Kezdana pisaŭsia ŭ raźliku na Styva MakKuina i Dajanu Ros. Adyli jon byŭ vypraŭleny pad Kiostnera j Hjustan.
Papularnaja saładžava-kičavaja karcina atrymała šmat naminacyj dyj uznaharodaŭ (MTV, Grammy) – u tym liku i «Załatuju malinu» za najhoršy film, najhoršaha aktora j najhoršuju aktrysu.
Ład, 22.55
Klijent (Client)
ZŠA, 1994, kalarovy, 119 chv.
Režyser: Džoel Šumachier
Roli vykonvajuć: Śjuzan Sarandon, Tomi Li Džonz, Mery-Łuiz Parkier, Entani ła Palja, Entani Edvardz, Dž.T.Ŭołš, Bred Renfra
Žanr: Trymcieńnik pavodle ramanu Džona Hryšema
Adznaka: 6,5 (z 10)
Chłopčyk (Bred Renfra) staŭsia śviedkam samazabojstva mafijoźnika. Pierad śmierciu toj paviedamiŭ chłopčyku, dzie zakapany trup senatara, zabitaha złačyncami. Mafija pačynaje palavańnie na dzicia, a FBR patrabuje, kab chłopčyk daŭ pakazańni – i nie harantujuć jamu abarony. Na dapamohu hieroju prychodzić advakatka (Śjuzan Sarandon), jakaja dapamahaje dziciaci zachavać žyćcio – i vykryć zabojcaŭ.
Karcina ź vielmi dobrym padboram aktoraŭ, mocnym scenarom i prafesijnaju režysuraj. Śjuzan Sarandon stvaryła składany vobraz hodnaj advakatki, nieščaślivaj u asabistym žyćci, Bred Renfra – źlakany j uparty chłopčyk, Tomi Li Džonz – hanarlivy žorstki prakuror.
STV, 23.10
Novyja kazki bratoŭ Hrym (Grimm)
Niderlandy, 2003, kalarovy, 103 chv.
Režyser: Aleks van Varmerdam
Roli vykonvajuć: Halin Rejn, Jakab Dervih, Karmeła Homez, Ulis Dziumon, Elvira Minhies, Łaŭra Sepeda
Žanr: Čornaja sučasnaja kazka na art-haŭzny ład
Adznaka: 7 (z 10)
Biespracoŭny baćka zavioŭ pierarosłych Jakaba j Maryju ŭ les. Dzietki nie pamierli, ale adpravilisia da svajho dziadźki ŭ Hišpaniju...
Laśničycha-hvałtaŭnica, vyrazanyja nyrki, hulni ŭ vestern, halandzkija ździeki z Hišpanii. Admysłovy film z atrutnymi kolerami, hrateskam… i dziciačymi kazkami, nie pryznačanymi dla dziaciej.
Karcina demanstravałasia ŭ kinafarmacie «4ch4».
