Udzielniki ŭstanoŭčaha schodu paśpieli pryniać statut i abrać kiroŭnyja orhany Puchu “Za Svabodu!” da taho, jak u pamiaškańnie ŭvarvalisia milicyjanty.
Schod u Horadni pačaŭsia a 10.00. Było kala 70 delehataŭ z usioj krainy. Pasiedžańnie adbyvałasia ŭ ofise hramadzkaj arhanizacyi “Ratuša”.
Praz 30 chvilin paśla pačatku ŭ dźviery budynku na Budzionnaha, 48a, dzie adbyvaŭsia schod, pačała hrukać milicyja. Paśla delehataŭ paprasili pakinuć budynak, matyvujučy heta tym, što jon zaminavany. Kala budynku było 6 milicejskich mašynaŭ, 2 mašyny chutkaj dapamohi.
Pakul milicyja łamiłasia ŭ dźviery, delehaty paśpieli prahałasavać pa ŭsich nieabchodnych pytańniach.
Siabar arhkamitetu Pavał Mažejka paviedamiŭ, što ŭdzielniki ŭstanoŭčaha schodu paśpieli pryniać statut i abrać kiroŭnyja orhany Puchu “Za Svabodu!”.
Pavodle słovaŭ A.Milinkieviča, udzielniki ŭstanoŭčaha schodu zrazumieli, u čym reč i tamu ad pačatku praviali hałasavańnie, a paśla adamknuli dźviery.
Kiraŭnikom Puchu “Za svabodu” staŭ Alaksandar Milinkievič, jaho namieśnikami – Viktap Karnijenka i Juraś Hubarevič.
Aproč ustanoŭčaha schodu orhanami pravaparadku byli sarvanyja ŭstupnyja ispyty, jakija ładziła adukacyjnaja arhanizacyja Sajuzu palakaŭ “Polska macierz szkolna”, na jakich prysutničała konsuł Polščy. Na vulicu vyvieli taksama rabotnikaŭ kamercyjnych firmaŭ, jakija arendujuć tam pamiaškańni, i vachtorku. Vachtorka supraciŭlałasia.
Jak paviedamili milicyjanty Paŭłu Mažejku, milicyjanty papiaredzili ŭdzielnikaŭ ustanoŭčaha schodu ruchu “Za svabodu!”, što nie davolać im bolej siońnia zajści ŭ pamiaškańnie. Supracoŭniki MUS patłumačyli, što pošuk vybuchovaj pryłady moža ciahnucca dva dni.
La budynku, dzie prachodziŭ schod, stajała 6 milicejskich mašynaŭ, dźvie "chutkija" i mašyna MNS.
Udzielniki schodu niekalki hadzinaŭ prastajali na vulicy.
Žurnalistaŭ i blizka nie padpuskali.
Alaksandar Milinkievič vyjšaŭ z "zaminiravanaha" budynku tolki praz paŭhadziny ad pačatku evakuacyi. Jon jaŭna nie chacieŭ pakidać milicyjantaŭ adnych u svaim haradzienskim ofisie.
Unučka Milinkieviča Maryjka nie ŭpuskała mahčymaści pabyć ź dziedam - apošnija hady jany bačacca redka.
