Z 7 pa 10 červienia adbyvajecca festyval sučasnaha švedzkaha kino, pryśviečany temie žyćcia ŭ hłybincy…
U mienskim kinateatry «Centralny» ź 7 pa 10 červienia prachodzić festyval sučasnaha švedzkaha kino, pryśviečany temie žyćcia ŭ hłybincy. Henaja tema atrymałasia suhučnaj biełaruskamu mastactvu – i stužku Haliny Adamovič «Mužčynskaja sprava» ŭklučyli ŭ fest – razam sa švedzkaju dakumentalnaju karcinaj «Tak, jak tut». Prychodźcie, hladzicie j paraŭnajcie!
7 červienia
Tak, jak tut (En plats som den har)
Švecyja, 2006, 43 chv.
Režysery: Anders Felman, Daniel Sverd
Žanr: Dakumentalny film
Try mužčyny roznych pakaleńniaŭ – žychary sielskaj miascovaści Vermłanda, dzie na kvadratny kilametar tolki try čałavieki. Niahledziačy na aślaplalnyja krajavidy, hieroi filmu sumujuć pa inšym žyćci…
Mužčynskaja sprava
Biełaruś, 2007, kalarovy, 18 chv.
Režyserka: Halina Adamovič
Žanr: Dakumentalny film
Adznaka: 7,5 (z 10)
Advieku ŭ Biełarusi muzykami byli mužčyny. Biaź ich nie abychodziłasia nivodnaje viasielle, nivodnaje pachavańnie. U filmie – apošnija narodnyja muzyki biełaruskaha Paleśsia – tryjo «Viareńka» Stolinskaj vioski Stachava…
Karcina – zaviaršalnaja častka trylohii, raspačataj stužkami «Boža moj» i «Zaviadzionka». Film «Mužčynskaja sprava», jaki vyklikaŭ rezkaje razdražnieńnie Ministerstva kultury (stužcy prysvoili najnižejšuju katehoryju) – pracinaje trahizmam sychodu.
Apošnija narodnyja muzyki – u epochu mahnitafonaŭ i radyjo.
Vioska sychodzić. Hieroj habluje dziciačuju damavinu… Biazładna hučyć pachavalny arkiestar – a skrypka na viasielli ŭžo zhubiła majsterstva… Ale ŭ dušy hučyć sapraŭdnaja muzyka, a śpievy ŭ chramie ŭznosiacca da nieba.
Svajoj intanacyjaj karcina Adamovič nahadvaje film Aśluka «My žyviem na krai». Kudy sychodziać kolišniaje narodnaje majsterstva, staryja viosački, skrypki, zroblenyja svaimi rukami?
Adamovič viedaje: u nieba. Tam, dzie znachodzicca viečnaść.
I kino zdolnaje hetaje nieba adbić.
A 18.30 adbudziecca pakaz filmu j sustreča z režyserkaj Halinaj Adamovič i pradusaram Źmicieram Płaksam.
8 červienia
Byvaj, Falkenberh (Farval Falkenberg)
Švecyja – Danija, 2006, kalarovy, 88 chv.
Režyser: Jeśpier Hansłant
Roli vykonvajuć: Cholhier Eryksan, Jon Eryksan, Jorhien Svensan, Devid Jonsan, Jeśpier Hansłant
Žanr: Drama
Apošniaje leta ŭ miastečku Falkienberh. Hałoŭnyja hieroi filmu – piaciora siabroŭ dziacinstva, jakija stali junakami. Chacia budučynia majačyć na dalahladzie, nikoha heta nie turbuje. Stužka pra siabroŭstva, uspaminy j raźvitańnie ź miastečkam la mora…
Debiutnaja karcina Jeśpiera Hansłata.
Taksama adbudziecca sustreča z akcioram Jonam Eryksanam i stvaralnikam muzyki da filmu Erykam Enaksanam.
9 červienia
Čortavy pravincyjały (Masjavlar)
Švecyja, 2004, kalarovy, 98 chv.
Režyserka: Maryja Błum
Roli vykonvajuć: Sofija Chiejlin, Kajsa Ernst, An Pietren, Łaš H.Aransan
Žanr: Kamedyja
Mija, jakaja pakinuła dom dziela žyćcia ŭ vialikim horadzie, viartajecca ŭ miastečka na 70-hodździe baćki. Śviatkavańnie ŭ miascovym klubie viruje. Tut i ŭzhadvajucca staryja kanflikty…
Debiut Maryi Błum.
10 červienia
Vivat, karol! (Tjenare kungen)
Švecyja, 2005, kalarovy, 90 chv.
Režyser: Ulf Malmras
Roli vykonvajuć: Jozefin Nelden, Sesylija Valin, Jochanna Stremberh, Malin Morhan, Joel Kinaman, Šeł Berkvist
Žanr: Kamedyjnaja meladrama
Paśla taho, jak Abre nia trapiła na kancert, jana pakidaje svajo miastečka i vyrašaje sama stacca rok-zorkaj. Razam z pankam Milijanam jana stvaraje hurt…
Režyser Ulf Malmras atrymlivaŭ šmatlikija ŭznaharody za svaje stužki.
A 21.00 – usie seansy ŭ pierakładzie na biełaruskuju movu, a 18.30 – filmy na movie aryhinału z anhielskimi subtytrami.
Kamientary