Amerykanskaja International Trusk and Engine maje namier realizavać u Biełarusi supolny prajekt pa stvareńni ruchavikoŭ z udziełam Mienskaha matornaha zavodu. Pra heta paviedamili na sumiesnym pradpryjemstvie «Vestern Technołodžyz» (Western Technologies) u Miensku.
Heta najbujniejšaja ŭ śviecie kampanija pa vytvorčaści dyzelnych i hruzavych aŭtamabilaŭ marki «Detrojt Dyzel» užo 10 hadoŭ pastaŭlaje ŭ Biełaruś matory. Za hety čas vyrablena bolš za 4 tys. traktaroŭ MTZ i kambajnaŭ «Homsielmaš» na bazie ruchavikoŭ «Internešnł Trak end Endžyn».
Ciapier u Biełarusi jość i inšyja bujnyja spažyŭcy dyzelnych ruchavikoŭ ‑‑ BiełAZ, MAZ, «Amkador». Aproč pastavak siłavych ahrehataŭ u Biełaruś kampanija prapanuje sumiesnuju vytvorčaść. Pry hetym Mienski matorny zavod budzie asnoŭnym u vypusku takoj pradukcyi.
Hetyja prapanovy abmiarkoŭvalisia ŭ sieradu na sustrečy delehacyi amerykanskaj karparacyi z kiraŭnictvam Ministerstva pramysłovaści. Na Mienskim traktarnym zavodzie, aproč hetaha, płanujecca abmierkavać pytańni stvareńnia sumiesnaj zboračnaj vytvorčaści husieničnych traktaroŭ.
U SP «Vestern Technołodžyz» taksama prainfarmavali, što karparacyja «Interniešnł Trak end Endžyn» biare ŭdzieł u vystavie «Biełahra‑2007», jakaja adkryłasia ŭ Miensku 5 červienia. Jana prezentuje dyzelnyja ruchaviki «Detrojt» mahutnaściu ad 80 da 375 konskich sił dla aŭtamabilaŭ i traktaroŭ, što adpaviadajuć patrabavańniam Eŭra‑2‑4 i Tier‑3.
Kamientary