Dla vydzialeńnia Biełarusi kredytu nieabchodna vyvučyć perspektyvy raźvićcia biełaruskaj ekanomiki, miarkuje ministar finansaŭ Rasiei Alaksiej Kudryn.
Rasija abmiarkoŭvaje ź Biełaruśsiu mahčymaść paetapnaha pradastaŭleńnia kredytu. Pra heta, pavodle infarmacyi Prajm‑TASS, paviedamiŭ žurnalistam 6 červienia ministr finansaŭ Rasijskaj Fiederacyi Alaksiej Kudryn.
«Biełaruś udakładniła terminy, u jakija jana chacieła b atrymać srodki. <...> Jašče idzie rabota, u tym liku i pa sumach, i pa terminach», — skazaŭ A.Kudryn.
Jon padkreśliŭ, što ŭ pytańni pradastaŭleńnia kredytu z boku Rasii «bolš ekanomiki». Pry hetym, uličvajučy «biesprecedentny abjom kredytu dla susiedniaj krainy», varta vyvučyć vialiki abjom dakumientaŭ, źviazanych ź pierśpiektyvami raźvićcia biełaruskaj ekanomiki, biudžetam Biełarusi, dachodami respubliki i jaje namierami pazyčać ź inšych krynicaŭ, a taksama zdolnaści absłuhoŭvać doŭh. Aprača taho, u raźliki buduć bracca i srodki ŭ pamiery 625 młn. dołaraŭ, pieraličanyja AAT «Hazprom» u jakaści apłaty doli ŭ «Biełtranshazie». Pry hetym A.Kudryn admoviŭsia ŭdakładnić sumu kredytu.
Biełaruś jašče ŭ studzieni źviarnułasia da Rasii z prośbaj pradastavić joj stabilizacyjny kredyt, u tym liku dla ažyćciaŭleńnia ekspartna‑impartnych apieracyj, u pamiery da 1,5 młrd. dołaraŭ. Praduhledžvajecca, što srodki buduć vydzialacca paetapna — kredyt u abjomie 1 młrd. dołaraŭ Biełaruś moža atrymać sioleta, 500 młn. dołaraŭ — u 2008 hodzie.
Kamientary