Hramadstva44

Pastar pakinuŭ Biełaruś

U sieradu viečaram Biełaruś pakinuŭ pratestancki śviatar Jarasłaŭ Łukasik. Raźvitacca z pastaram na mienski čyhunačny vakzał pryjšło kala vaśmidziesiaci čałaviek.

U sieradu viečaram Biełaruś pakinuŭ pratestancki śviatar Jarasłaŭ Łukasik. 30 traŭnia sioleta načalnik Centralnaha RUUSu Miensku Siniakoŭ aštrafavaŭ Łukasika za nabaženstva, jakoje pravodziłasia ŭ pryvatnym domie, a taksama abviaściŭ pra departacyju i zabaronu na ŭjezd u Biełaruś ciaham piaci hadoŭ. Źjechać ź Biełarusi Łukasik musiŭ da 7 červienia.

Raźvitacca z pastaram carkvy "Jan Pradvieśnik" na mienski čyhunačny vakzał pryjšło kala vaśmidziesiaci čałaviek. Siarod ich byli piacidziesiatnicki biskup Siarhiej Chomič, pastar Antoś Bokun, jaki ŭ hety samy dzień tolki vyjšaŭ z Akreścina paśla troch sutak aryštu, adzin z stvaralnikaŭ Biełaruskaj chryścijanskaj demakratyi Alaksiej Šein, “maładafrontaŭcy” Barys Harecki i Źmicier Chviedaruk, šmatlikija parafijanie carkvy.

Žonka Jarasłava Łukasika Natalla trymała ŭ rukach maleńki bukiecik vałošak. Kala baćkoŭ uvieś čas krucilisia troje ichnych dziaciej. Kali sud nie zadavolić skarhu Natalli Łukasik, to jana razam ź dziećmi taksama źjedzie ŭ Polšču.

Na peronie Jarasłaŭ Łukasik zrabiŭ nievialikuju pramovu, jon skazaŭ: "Ja vielmi zadavoleny tymi čatyrnaccaci hadami, jakija ja pravioŭ u Biełarusi. Ja ŭpeŭnieny, što my z vami ŭbačymsia na hetaj ziamli značna raniej, čym praź piać hadoŭ. Śviet nievialiki, tamu, spadziajusia, my zmožam bačycca ŭ inšych kutkach śvietu". Paśla hetaj pramovy Jarasłaŭ Łukasik prapanavaŭ pamalicca. Siarod inšaha jon maliŭsia za toje, kab “Boh źmianiŭ hetuju ziamlu”. Malitva skončyłasia praciahłymi avacyjami.

Pierad tym, jak sieści ŭ ciahnik, Jarasłaŭ Łukasik paśpieŭ jašče raz abniacca sa svaimi rodnymi i blizkimi. Zapłakali jahonyja dzieci. Łukasik paabiacaŭ u chutkim časie sustrecca z usimi znoŭ ŭ Biełarusi.

Hladzi jašče:
Raźvitańnie sa śviatarom Jarasłavam. Fotarepartaž Andreja Lankieviča

Kamientary4

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj

«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj

Usie naviny →
Usie naviny

«Nam samim nie padabajecca». Na Žłobinskim miasakambinacie nie vyklučyli, što zamieniać skandalnuju sasisku3

U centry Minska siamja kačak dyscyplinavana skarystałasia ź piešachodnaha pierachoda VIDEA7

Pad Brestam sfarmavaŭsia navalničny kaŭnier FOTAFAKT1

U Puchavickim rajonie zahinuŭ traktaryst

U Hancavickim rajonie zaŭvažyli vichor VIDEA2

Pratasievič napisaŭ vieličny post pra «najciažejšuju dystrafiju» i «karaniapłod»35

Łatuška pryznaŭsia, što ŭžo niekalki hadoŭ sudzicca sa svaim byłym paplečnikam Anatolem Kotavym13

Antykryzisnymi kiraŭnikami zabaroniać pracavać tym, chto sudziŭsia pa palityčnych artykułach3

Chodzić pa Mazyry z aŭtamatam: małady baćka pajechaŭ vajavać za Rasiju i nie chavaje hetaha16

bolš čytanych navin
bolš łajkanych navin

«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj

«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić